Ուկրաինայի ԱԳՆ-ն 1991 թվականի Ալմա-Աթայի հռչակագրի հիման վրա Հայաստանի և Ադրբեջանի միջև սահմանների սահմանազատման մասին համաձայնագրերն անվանել է «կայունության գործոն»՝ տարածաշրջանում Ռուսաստանի ագրեսիվ քաղաքականության համատեքստում, հաղորդել է գերատեսչության մամուլի ծառայությունը։
«Ռուսաստանի ագրեսիվ քաղաքականության և Բալթյան երկրների, Սևծովյան տարածաշրջանի, Հարավային Կովկասի և Կենտրոնական Ասիայի հասցեին Ռուսաստանի մշտական սպառնալիքների համատեքստում Հայաստանի և Ադրբեջանի միջև միջպետական սահմանի սահմանազատման շուրջ համաձայնության գալը լրացուցիչ և կարևոր կայունության գործոն է»,- ասված է հաղորդագրության մեջ:
Կիևը նաև շահագրգռվածություն է հայտնել Հարավային Կովկասում կայունության նկատմամբ, և հույս է հայտնել Երևանի և Բաքվի միջև ձեռք բերված պայմանավորվածությունների գործնական իրականացման համար։ Տավուշի սահմանամերձ գյուղերի բնակիչների բողոքի ակցիաներն սկսվել էին ապրիլի 19-ի երեկոյան։ Ցուցարարները փակել էին Երևան-Թբիլիսի միջպետական ճանապարհը ՀՀ ԱԳՆ հայտարարութունից հետո, ըստ որի Հայաստանն ու Ադրբեջանը պայմանավորվել են սահմանազատման գործընթացն սկսել Տավուշի մարզից։
Ակցիաների պատճառ էր դարձել նաև վարչապետի աշխատակազմի՝ ավելի ուշ արված հայտարարությունը, ըստ որի սահմանազատումից հետո Զինված ուժերը նշված հատվածների շրջանում իրենց տեղը կզիջեն սահմանապահ զորքերին, իսկ Ադրբեջանի սահմանապահ ծառայությունն է՛լ ավելի կմոտենա Կիրանց և Ոսկեպար գյուղերին։