13 майҙан 15-нә тиклем “Уңыш инсайты 3.0” төбәк йәштәр фестивале бөтә республиканан 300-ҙән ашыу йәш кешене, төбәк һәм федераль эксперттарҙы “Президент отель” майҙансығында йыясаҡ. Хәтерегеҙгә төшөрәбеҙ, фестиваль 24 апрелдә старт алды һәм 150-нән ашыу йәштәр сәйәсәте органдары һәм учреждениелары вәкилдәрен, юғары уҡыу йорттары вәкилдәрен, шулай уҡ Башҡортостандың йәштәр һәм ирекмәндәр ойошмалары лидерҙарын йыйҙы. - Маҡсатыбыҙ – бөтә йүнәлештәр буйынса йәштәргә үҙ-үҙен күрһәтеү өсөн шарттар булдырыу. Өс көн дауамында ҡатнашыусылар менән Йәштәр эштәре буйынса федераль агентлыҡ белгестәре, гранттар, федераль һәм округ форумдары спикерҙары эшләйәсәк. Фестиваль йомғаҡтары буйынса һәр ҡатнашыусы яңы белемгә эйә булыр һәм күнекмәләр алыр тип ышанам, - тине Башҡортостан Республикаһының Йәштәр сәйәсәте буйынса дәүләт комитеты рәйесе Вито Сабиров. Фестиваль бер юлы бер нисә майҙансыҡты берләштерә: «Смарт-Тау» проект форумы (18-35 йәш), «Үҫеш биләмәһе» йәштәр форумы (14-17 йәш), «РобоБУМ» робототехника олимпиадаһы, «Эш кенә түгел» мәғариф программаһы, «Рәсәй – мөмкинлектәр иле» президент платформаһы проекттарында ҡатнашыусылар слеты һәм Башҡортостан студенттар активы слеты. «Смарт-Тау» һәм «Үҫеш территорияһы» форумдарында ҡатнашыусылар Бөтә Рәсәй форум кампанияһына һәм Бөтә Рәсәй йәштәр проекттары конкурсына әҙерләнә, шулай уҡ үҙ проекттарын Йәштәр эштәре буйынса федераль агентлыҡ белгестәре алдында грант конкурсында тәҡдим итә һәм 20, 30, 50 мең һум күләмендә гранттар алыу мөмкинлегенә эйә. Фестивалде ойоштороусылар: Башҡортостан Республикаһының Йәштәр сәйәсәте буйынса дәүләт комитеты, Башҡортостан Республикаһының «Йәштәр сәйәсәте лигаһы» йәштәр башланғыстарын үҫтереү төбәк йәмәғәт ойошмаһы, «Бәхет биләмәһе» хәйриә фонды, Башҡортостан Республикаһының Йәштәр хөкүмәте. Сара Башҡортостан Республикаһы Башлығы гранттары фонды ярҙамында уҙа. Бындай саралар күптән түгел старт бирелгән “Рәсәй йәштәре” милли проекты (национальный проект “Молодежь России”) ҡуйған бурыстарҙы тормошҡа ашырырға булышлыҡ итә. белеүебеҙсә, ил Президенты Владимир Путин яңы проекттың тормошҡа ашырыла башлауы тураһында 2024 йылдың февралендәге Мөрәжәғәтнамәһендә иғлан иткәйне. Сығанаҡ: pravitelstvorb.ru