Уҡыусыларға һөнәри йүнәлеш биреү маҡсатында Куйбышев тимер юлының Башҡортостан территориаль идаралығы үҙенең базаһында тимер юл транспорты буйынса экскурсия ойошторҙо. Экскурсияға Республика балалар белем биреү технопаркы һәм Куйбышев тимер юлының Башҡортостан бүлексәһе ойошторған « PRO-Дизайн 2024» республика балалар дизайнер һәм инженер проекттары конкурсы еңеүселәре һәм призерҙары саҡырылды. Экскурсия сиктәрендә балалар тимер юл транспорты өлкәһендәге һуңғы инновацион эшләнмәләр менән танышты, уларға Рәсәй тимер юлдарын үҫтереү үҙенсәлектәре хаҡында һөйләнеләр, тимер юлда үҙеңде тотоу ҡағиҙәләре һәм тимер юл аша сығыу урындары менән таныштырҙылар. Балаларға үҙҙәрен тренажёр артында машинист ролендә һынап ҡарарға һәм локомотивты йөрөтөргә уникаль мөмкинлек бирелде. Уларҙың һәр береһе «Ҡарлуғас» ҡала яны поезы машинисы кабинаһында булды. Экскурсия балаларҙа техник йүнәлештәге эшсе һәм инженер һөнәрҙәренә ҡыҙыҡһыныу тәрбиәләүгә, Рәсәйҙә инженерлыҡ эшенең үҫеш тарихы менән таныштырыуға йүнәлтелде. Был эштәр ил Президенты В.В. Путиндың май указдары тарафынан раҫланған “Мәғариф” милли проекты (национальный проект “Образование”) ҡуйған бурыстарҙы тормошҡа ашырырға булышлыҡ итә. Фото һәм сығанаҡ: education.bashkortostan.ru