Өфө ҡалаһының Совет район суды тәфтишселәр үтенесе буйынса Башҡортостандың элекке транспорт һәм юл хужалығы министры Александр Клебановты һаҡ аҫтына алыуҙы кәрәк тип тапты. Ул ике айға, 7 июлгә тиклем, ҡулға алынды. Александр Клебановтың ришүәт алыу эше буйынса ҡулға алыныуы тураһында 7 майҙа билдәле булды. Башҡортостан Башлығы Радий Хәбиров шунда уҡ уны эштән – министр вазифаһынан бушатты. Рәсәй Тәфтиш комиетының Башҡортостан буйынса Тәфтиш идаралығынан хәбәр итеүҙәренсә, 2023 йылда Александр Клебанов, “Башкиравтодор” дәүләт компанияһының директорҙар советы ағзаһы булараҡ, коммерция фирмаһы етәкселегенән төҙөлөш материалдарын ташыуға килешеүҙәр буйынса ваҡытында түләүҙәр алыуҙа ярҙам иткән һәм ҡурсалаған өсөн биш миллион һум талап итә. Юғиһә министр, тәфтишселәр фекеренсә, эшҡыуарҙарға хеҙмәттәр өсөн түләүҙә ҡаршылыҡтар тыуҙырыу менән янай. Компания етәкселеге талап ителгән сумманы Клебановҡа тапшыра. Фото сығанағы: https://t.me/c/1715441577/5047