Ҡырмыҫҡалы районының Биш-Уңғар ауылында йәшәгән “Артур” позывнойлы яугир Даян Мурзин исемендәге доброволецтар батальонында водитель-электрик вазифаһында хеҙмәт итә. Әле ул ҡыҫҡа ваҡытлы ялда ғаиләһе янында. Былтыр ул апрель айында Оборона министрлығы менән контракт төҙөгәндән һуң, Һамар өлкәһендә хәрби әҙерлек үтә. Аҙаҡ махсус хәрби операция зонаһына йүнәлә. – Ватанды үҙебеҙ яҡламаһаҡ, беҙҙең балаларыбыҙ, илебеҙ тураһында бер кем дә хәстәрлек күрмәйәсәк. Киләсәкте бары үҙебеҙ генә төҙөй алабыҙ, – тип уй-фекере менән уртаҡлашты ул. Башҡортостан юлдаш телеканалы алғы һыҙыҡта доброволецтар менән тапшырыу әҙерләгәндә “Артур“ ҙа интервью бирә. – Күршеләрем аҙаҡ телевизорҙан иремде күрһәткәндәрен әйтте. Интернетта был эфирҙы табып ҡараным, уны күреп бик шатландым. Беҙ уның менән ғорурланабыҙ! Уның тиҙерәк әйләнеп ҡайтыуын теләйбеҙ, – ти яугирҙең ҡатыны. – Хәрби әҙерлек үткәндә мин уның янына йыш барып йөрөнөм. Хәҙер ул махсус хәрби операция зонаһында булғанда ундай мөмкинлек юҡ, бәйләнешкә һирәк сыға. Беҙ, бергә хеҙмәт иткән яугир ҡатындары, үҙ-ара аралашабыҙ. Бер-беребеҙгә терәкбеҙ. Кемдеңдер ире бәйләнешкә сыҡһа, борсолмаһындар өсөн башҡаларға хәбәр итәбеҙ. “Артур”ҙың контракт төҙөүе тураһында ғаиләһе һәм туғандары хәрби әҙерлек һыҙығына китер алдынан ғына белә. Уның ҡарарын аңлап ҡабул итәләр. Хәрби хеҙмәттәге уңыштары өсөн егетте дәүләт наградаһына тәҡдим иткәндәр. Ул – Өфө егете. 37-се профессиональ-техник училищела белем ала, ғаилә ҡорғас, ҡатынының ауылына күсеп килә. Хәҙер уларҙы шатландырып, өс улдары үҫә. Батыр яугиргә именлек, һаулыҡ һәм уңыштар теләйбеҙ. Хәтерегеҙгә төшөрәбеҙ, контракт төҙөү мәсьәләләре буйынса республика халҡы берҙәм 177 белешмә номеры буйынса, Ситуация үҙәгенә 122 йәки (347) 218-19-19-19 телефондары аша, “Минең документтарым” күп функциялы үҙәктең яҡындағы офисына мөрәжәғәт итә ала. Шулай уҡ булған һорауҙарға яуапты башбат.рф сайтында, контракт буйынса хәрби хеҙмәткә инергә теләүселәр өсөн һәм уларҙың ғаилә ағзаларына социаль ярҙам саралары тураһында "Телеграм"да мәғлүмәт таба алаһығыҙ. Башҡортостанда контракт буйынса хәрби хеҙмәткә йыйыу дауам итә. Мобиль пункттар республиканың барлыҡ ҡала һәм райондарында эшләй. Бында йыйыу тәртибе, льготалар һәм түләүҙәр тураһында консультация бирәләр, ниндәй документтар кәрәклеген аңлаталар. Дәүләт менән килешеүҙе пенсияға сыҡҡан запастағы хәрбиҙәр, саҡырыу буйынса сроклы хеҙмәттән һуң эшенән киткәндәр, шулай уҡ армияла булмаған, ләкин юғары йәки урта профессиональ белем алған ир-егеттәр ҙә төҙөй ала. Рядовойҙан алып прапорщикка тиклем контракт буйынса хәрби хеҙмәткә 65 йәшкә тиклемге ир-егеттәр ҡабул ителә. Фото: https://vk.com/karmaskaly_rayon