Православный календарь
Седмица 6-я Великого поста (седмица ваий). Лазарева суббота
Постный день. Глас 5-й
Воскрешение прав. Лазаря; Святителя Мартина I, исп., папы Римского (655).
Мчч. Антония, Иоанна и Евстафия Виленских (Литовских) (1347); мч. Ардалиона (305–311); Мчч. 1000-и Персидских и Азата скопца (ок. 341).
Исповедника Александра Орлова, пресвитера (1941).
Иконы Божией Матери: Остробрамская Виленская; Виленская (1495).
27 апреля 2024 СУББОТА В Лазареву субботу
Тропарь, глас 1
Общее воскресение/ прежде Твоея страсти уверяя,/ из мертвых воздвигл еси Лазаря Христе Боже./ Темже и мы яко отроцы победы знамения носяще,/ Тебе победителю смерти вопием:/ осанна в вышних,// благословен Грядый во имя Господне.
Кондак, глас 2
Всех радость Христос, истина, свет,/ живот, и мира воскресение,/ сущим на земли явися Своею благостию,/ и бысть образ воскресения,// всем подая божественное оставление.
Наш канал на Телеграмм "Тропинка к Храму" https://t.me/TropinkakXramu
27 апреля 2024 День памяти Праведному Лазарю Четверодневному, епископу Китийскому
Тропарь глас 4
Яко велико сокровище и богатство некрадомо/ к нам прииде из Кипра, Лазаре,/ Промыслом всех Бога, повелением царя благочестива,/ подая чтущим тя исцеления даром,/ избавляя от бед и от всякаго вреда,/ верою взывающих ти:// спаси всех молитвами своими, Лазаре отче наш.
Кондак, глас 8
Взыде, яко звезда пресветлая,/ от Кипра честныя мощи твоя, Лазаре,/ Царствующий град освящающи и христолюбиваго царя веселящи/ и люди своя обогащающи,/ тобою благодать исцеления подающи, верно зовущим ти:// радуйся, Лазаре, друже Божий.
27 апреля 2024 День памяти Святителю Мартину Исповеднику, папе Римскому
Тропарь, глас 4
Истинных повелений устне распространил еси,/ учении Божественными вся просветил еси,/ зловерие низложил еси, Богомудре Мартине,/ святителю всечестне,/ поминай нас, угодниче Христов,/ еже к Нему ходатайствы твоими,// да в мире устроиши живот наш.
27 апреля 2024 День памяти Мученикам Антонию, Иоанну и Евстафию Виленским, Литовским
Тропарь, глас 4
Иже земных чести и славы отвергшеся,/ доблии и честнии страдальцы,/ веры ради крепко и мужественно муки претерпесте,/ на смерть себе вдавше за Живот всех – Владыку./ Темже и Христос преславно столпом облачным/ с Небесе вас озари/ и почестьми и венцы от Престола славы венча./ Со Ангелы Тому предстояще,// молите спастися душам нашим.
Кондак, глас 3
Отеческую прелесть оставльше, святии,/ приведостеся Христови,/ всем души усердием стасте мужемудренно до смерти./ Темже и взясте победы почесть воистинну,// о всех Владыку нашего непрестанно моляще.
27 апреля 2024 День памяти Священноисповеднику Александру Орлову
Тропарь, глас 4
Не убоявся страданий в жизни временней,/ ко Христу душу твою устремил еси,/ иерейское служение от Господа прием,/ даже до смерти сохранил еси верность Ему./ Священномучениче Александре,/ не забуди храм твой и а́ству твою:// моли спастися душам нашим.
Кондак, глас 6
Апостольская словеса/ еже жити и умирати Господа ради/ в сердце твоем приемь,/ священномучениче Александре,/ темницу, узы и тяжкия скорби,/ по сих же и смерть за Христа мужественне претерпел еси,/ научив чада твоя пети радостно:/ жизнь моя есть Христос,// и смерть приобретение.
27 апреля 2024 День памяти Пресвятой Богородице пред иконой Ея "Виленской"
Тропарь глас 4
Заступнице верных Преблагая и Скорая, Пречистая Богородице Дево! Молим Тя пред святым и чудотворным образом Твоим, да якоже древле от него заступление Твое граду Москве даровала еси, тако и ныне нас от всяких бед и напастей милостивно избави и спаси души наша, яко Милосердая.
Кондак глас 8
Взбранной Воеводе победительная, яко избавльшеся от злых благодарственная восписуем Ти, раби Твои, Богородице, но, яко имущая державу непобедимую, от всяких нас бед свободи, да зовем Ти́: радуйся, Невесто Неневестная.
Величание
Величаем Тя, Пресвятая Дево, и чтим образ Твой святый, имже дивную победу на агаряны православным даровала еси.
27 апреля 2024 В субботу молимся всем святым
ТРОПАРЬ В СУББОТУ, глас 2 : Апостоли, мученицы и пророцы,/ святителие, преподобнии и праведнии,/ добре подвиг совершившии и веру соблюдшии,/ дерзновение имуще ко Спасу,/ о нас Того, яко Блага, молите,// спастися, молимся, душам нашим.
КОНДАК В СУББОТУ, глас 8 : Яко начатки естества, Насадителю твари,/ вселенная приносит Ти, Господи, богоносныя мученики;/ тех молитвами в мире глубоце// Церковь Твою, жительство Твое Богородицею соблюди, Многомилостиве.
27 апреля 2024 В субботу молимся за умерших
ТРОПАРЬ В СУББОТУ глас 2 : Помяни, Господи, яко благ, рабы Твоя,/ и, елика в житии согрешиша, прости:/ никтоже бо безгрешен, токмо Ты,// могий и преставленным дати покой.
КОНДАК В СУББОТУ глас 8: Со святыми упокой,/ Христе,/ души раб Твоих,/ идеже несть болезнь, ни печаль,/ ни воздыхание,// но жизнь безконечная.
Наш канал на Телеграмм "Тропинка к Храму" https://t.me/TropinkakXramu
Со Святым днём Братья и сестры ! Храни Вас Господь !
