Православный календарь
Седмица 6-я Великого поста (седмица ваий)
Постный день. Глас 5-й
Сщмч. Арте́мона Лаодикийского, пресвитера (303).
Мч. Криске́нта, из Мир Ликийских; мц. Фомаи́ды Александрийской (Египетской) (476).
Преподобномученицы Ма́рфы (Тестовой), инокини (1941).
Наш канал на Телеграмм "Тропинка к Храму" https://t.me/TropinkakXramu
26 апреля 2024 День памяти святой мученице Фомаиде Египетской
Тропарь глас 4-й
Агница Твоя, Иисусе, Фомаида, зовет велиим гласом: Тебе, Женише мой, люблю, и Тебе ищущи страдальчествую и сраспинаюся, и спогребаюся Крещению Твоему, и стражду Тебе ради, яко да царствую в Тебе, и умираю за Тя, да и живу с Тобою; но яко жертву непорочную приими мя, с любовию пожершуюся Тебе. Тоя молитвами, яко Милостив, спаси души наша.
Кондак, глас 2-й
Храм твой всечестный яко цельбу душевную обретше, вси вернии велегласно вопием ти: дево мученице, Фомаидо великоименитая, Христа Бога моли непрестанно о всех нас.
Молитва святой мученице Фомаиде Египетской
О, всехвальная мученице Фомаидо! За чистоту супружества даже до крове подвизавшися и целомудрия ради душу свою положивши, достойна пред Господем обрелася еси, во еже в лице преподобных дев почтенней тебе быти. Услыши нас молящихся тебе, и якоже древле боримии от плоти целительницу тя имеяху, по дарованной тебе от Бога благодати, сице и ныне прибегающим ко предстательству твоему подаждь отраду и свобождение от плотския брани, и целомудренное житие и незазорное в супружестве и девстве пребывание твоими богоприятными молитвами всем исходатайствовати потщися, яко да телеса наша храм живущаго в нас Святаго Духа будут. О, преизбранная в женах и верная рабо Христова! Помози нам, да не погибнем со страстьми и похотьми нашими, но да управимся умом нашим и укрепимся сердцем нашим во всяком благочестии и чистоте, славяще твою помощь и предстательство, благодать же и милость Триединаго Бога, Отца и Сына и Святаго Духа, во веки веков. Аминь.
26 апреля 2024 ПЯТНИЦА , св. Кресту
ТРОПАРЬ В ПЯТНИЦУ, св. Кресту, глас 1
Спаси, Господи, люди Твоя/ и благослови достояние Твое,/ победы на сопротивныя а́руя// и Твое сохраня́я Крестом Твоим жительство.
КОНДАК В ПЯТНИЦУ, св. Кресту, глас 4
Вознесыйся на Крест волею,/ тезоименитому Твоему новому жительству,/ щедроты Твоя даруй, Христе Боже,/ возвесели нас силою Твоею,/ победы дая нам на сопостаты,/ пособие имущим Твое оружие мира,// непобедимую побе́ду.
Наш канал на Телеграмм "Тропинка к Храму" https://t.me/TropinkakXramu
Благодать вам и мир от Бога Отца нашего и Господа Иисуса Христа, Владычицы нашей Богородицы и Приснодевы Марии
Храни Вас Господь!