Տավուշի մարզի սահմանամերձ գյուղերի բնակիչները նախատեսում են փակել պահել Կիրանց գյուղին հարող ճանապարհի հատվածը, լրագրողների հետ զրույցում ասել է Ոսկեպարի բնակիչ, պահեստազորի գնդապետ Միհրան Մահսուդյանը։
«Ժողովուրդը որոշել է գիշերել այստեղ, մնալ իր հարցերը լուծելու համար։ Հակառակ դեպքում ժողովուրդը ոչ մի տեղ չի գնա և չի պատրաստվում հեռանալ»,- ասել է նա՝ նշելով, որ բնակչությունը «չի լռելու» և «զայրացած է»։ «Ճանապարհից մենք չենք գնալու»,- ընդգծել է Մահսուդյանը։ Քաղաքագետ Սուրեն Պետրոսյանն էլ ասել է, որ ցուցարարները շարունակելու են փակ պահել ճանապարհը.
«Մենք շարունակելու ենք փակ պահել ճանապարհը, մենք պետք է ավելի շատ ուժեր կենտրոնացնենք դրա շուրջ և տարածենք Հայաստանի տարբեր կետերում»,- ասել է նա։ Ցուցարարներից մեկը հայտնել է նաև, որ բանակցություններից ու բախումներից հետո ցուցարարները փակել են
Վրաստանի հետ սահմանամերձ Բագրատաշենի անցակետ տանող ճանապարհը։ Տավուշում հայ-ադրբեջանական սահմանի սահմանազատումը սկսելու Հայաստանի իշխանությունների որոշումից և ՀՀ վարչապետի գրասենյակի հայտարարություններից հետո, որ այս գործընթացի արդյունքում «ադրբեջանական սահմանապահ ծառայությունն էլ ավելի կմոտենա Կիրանց և Ոսկեպար գյուղերին»,- Տավուշի սահմանամերձ գյուղերի բնակիչները բողոքի ակցիաներ են սկսել։ Ապրիլի 19-ի երեկոյան, ցուցարարները փակել էին Երևան-Թբիլիսի միջպետական ճանապարհը: Ապրիլի 20-ին ճանապարհը բացել էին այն բանից հետո, երբ պայմանավորվածություն էր ձեռք բերվել ապրիլի 22-ին տավուշցիների ներկայացուցիչների և փոխվարչապետ Մհեր Գրիգորյանի միջև հանդիպում անցկացնել։
Ապրիլի 21-ի առավոտյան Հայաստանի և Ադրբեջանի միջև սահմանազատման գործընթացի դեմ բողոքող բնակիչները Տավուշի մարզում ճանապարհներ են փակել։ Իջևանի ճանապարհին բախում էր սկսվել։ Ապրիլի 21-ին Տավուշի մարզի Կիրանց գյուղի բնակիչները կրկին փակել էին գյուղի հարակից ճանապարհը՝ չթողնելով, որ Տավուշից հայկական զորքերի hետքաշման համար ականազերծման աշխատանքներ իրականացվեն։