Композитор, Башҡортостандың атҡаҙанған мәҙәниәт хеҙмәткәре Фәрит Яҡшығолов “Өфө ваҡыты” тапшырыуында беҙҙең телекомпанияға рәхмәтен еткереп, ошо турала айырым әйтте. Үҙешмәкәр сәнғәт эшмәкәре билдәләүенсә, “Башҡортостан 24” телевизион каналы күптәргә танылыу яуларға булышлыҡ күрһәткән. 18-се май, Х. Әхмәтов исемендәге Башҡорт дәүләт филармонияһында үтәсәк юбилей концертына әҙерләнеүсе композитор Фәрит Минегәрәй улы ижад юлы тураһында һөйләп, тура эфирҙа йырҙар башҡарҙы.
Фәрит Яҡшығолов Ҡырмыҫҡалы район мәҙәниәт һарайында “Йәш йөрәктәр” ансамблен етәкләй. Өлкән быуын артистары менән гастролдәр ойоштороусы композитор ошо көндәрҙә үҙенең 60 йәшен ҡаршыланы.
Бәрәкәтле “Бәрәкәт”.
Башҡортостанда донъя күргән дини баҫмаларҙың береһе ҙур популярлыҡ яулай. Хаҡ ислам тәғлимәтәтренә арналған журналдың бер-нисә йыллыҡ тарихы ла бар. Журналдың баш мөхәррире Даян Мәзитов һүҙҙәренә ҡарағанда, бөгөн йәштәр һәм балаларға дини белем биреү айырыуса әһәмиәтле.
“Өфө ваҡыты” тапшырыуы дүшәмбенән йомаға тиклем көн һайын 19 сәғәттә эфирға сыға. Тура эфир студияһы телефоны — +7 (347)-295-98-72, WhatsApp +7-937-840-24-24.
Смотрите видео
--------------------------
Присоединяйтесь к каналу Башкортостан 24 в Дзен и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».