Бөйөк Еңеүҙең 79 йыллығын байрам итеү сиктәрендә, "Еңеү паровозы" ретро составы Өфө ҡалаһында туҡталыш яһаны. Ул Куйбышев тимер юлында төҙөлгән. "Еңеү паровозын" ҡаршы алырға Бөйөк Ватан һуғышы ветерандары, студенттар, мәктәп уҡыусылары, тимер юлсылары, бүтән рәсми кешеләр килгәйне. Әлбиттә, иң алда - байрамса биҙәлгән "Лебедянка" тигән паровоз. Унда шулай уҡ хәрби техниканы, "Үлемһеҙ полк"тың пассажир вагондарын күрергә мөмкин ине. Ялан кухняһы ла эшләне. Әйткәндәй, машинистар, элекке рецепт буйынса, көрәккә күкәй һытып, паровоздың мейесендә тәмле йомортҡа әҙерләне. Еңеү паровозы 11 станцияла туҡтаясаҡ, ул яҡынса өс мең километр юл үтәсәк. Артабан паровоз Стәрлетамаҡ ҡалаһына юлланды. Фото: "Рәсәй тимер юлы" йәмғиәтенең Куйбышев тимер юлы филиалының матбуғат хеҙмәте.