Гөлназ Хәләф ҡыҙы Ибраһимова дүртенсе йыл рәттән Санкт-Петербург ҡалаһы һәм Ленинград өлкәһе башҡорттары ҡоролтайы рәйесе вазфаһын башҡара. Ул - сығышы менән Баймаҡ районының Сосновка ауылынан. Әлеге көндә төньяҡ баш ҡалала йәшәй һәм башланғыс кластар уҡытыусыһы булып эшләй. Бөгөн ул Өфөлә үткән III Республика "Ватан көсө" форумында ҡатнашты. Гөлназ Хәләф ҡыҙы “Атайсал. Ватан көсө” асыҡ дискуссия майҙансығының эшендә ҡатнашып, Санкт-Петербургта йәшәгән милләттәштәребеҙ менән берлектә башҡарған изге эштәре тураһында һөйләне. Ул беҙҙең менән аралашырға ла ваҡыт тапты. – “Атайсал” форумында тәүге тапҡыр ҡатнашам. Саҡырыу алғас, ҙур теләк менән килдем. Бик матур, мөһим проект. Сит төбәктәрҙә йәшәгән милләттәштәр ҙә үҙ ере, тыуған төйәге өсөн борсола, ауылдаштарына, яҡташтарына аҙ ғына ярҙам итә алһа ла ҙур ҡыуаныс, күңел ҡәнәғәтлеге кисерә. Дүрт йыл рәттән Санкт-Петербург ҡалаһы һәм Ленинград өлкәһе башҡорттары ҡоролтайын етәкләйем. Бергәләп төрлө саралар ойошторабыҙ, сит төбәктә милли ас