4
Ислам дине һәр бер хаҡы булғандың хаҡы үтәлергә тейешлеген билдәләй.
Иң тәүге өлөштә, Аллаһу Тәғәләнең хаҡы – тик Уға бер Үҙенә генә берәүҙе лә тиңдәш итеп алмайынса, буйһоноп, ғибәҙәт ҡылырға тейешбеҙ. Ғибәҙәт – ул Аллаһу Тәғәлә ҡәнәғәт булған барлыҡ эштәр. Ғибәҙәт – ул Аллаһ яратҡан, Уны ҡәнәғәт иткән асыҡ һәм йәшерен һүҙ һәм ғәмәлдәрҙең һәр береһен үҙ эсенә алған дөйөм төшөнсә. Ғибәҙәт Аллаһтан башҡа берәүгә лә сарыф ителергә тейеш түгел. Ҡояш, ай, йондоҙ, ут, ағас, таш, һыйыр, һындар, боттар, ҡәберҙәр, әүлиә, пәйғәмбәрҙәр – уларға ғибәҙәттең (сәждә, рөкүғ, ололау, яратыу, ҡурҡыу, нәҙер әйтеү, ҡорбан салыу, доғаны йүнәлтеү, ҡыйын хәлдә лә, еңел хәлдә лә ялбарыу, һәм башҡа ғибәҙәт төрҙәре) бер төрөн булһа ла йүнәлтеү, Аллаһтың хаҡын боҙоуҙы аңлата.
Аллаһ әйтә: قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّـهِ رَبِّ الْعَالَمِينَ ﴿١٦٢﴾ لَا شَرِيكَ لَهُ ۖ وَبِذَٰلِكَ أُمِرْتُ وَأَنَا أَوَّلُ الْمُسْلِمِينَ ﴿١٦٣﴾ 162. Әйт: “Уҡыған намаҙҙарым, боғаҙлаған ҡорбандарым, йәшәйешем, үлемем – бөтә ғәләмдәрҙе тәрбиә ҡылыусы Аллаһу Тәғәлә өсөн генәлер. 163. Һәм Уның һис бер ниндәй тиңдәше юҡ. Миңә һис кемде, һис бер нәмәне Уға тиңдәш килтермәҫкә бойоролдо. Һәм мин быға иң тәүге буйһоноусыларҙанмын”. (Әл-Әнғәм сүрәһе, 162-163 аяттар) #السعادة Шул уҡ, Ислам динендә мосолманға Пәйғәмбәр Мүхәммәдтең (салла Аллаһу ғәләйһи үә сәлләмә) хаҡын үтәү йөкмәтелгән – уның аша Аллаһ күрһәткән юлдан барыу, уның пәйғәмбәрлегенә, Аллаһтан илсе итеп ебәрелеүенә инаныу (раҫлау).
Аллаһ әйтә: قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ وَاللَّهُ غَفُورٌ رَّحِيمٌ "Әйт, Мүхәммәд: “Әгәр ҙә һеҙ Аллаһты яратағыҙ икән, миңә эйәрегеҙ, шул осраҡта, Аллаһ та һеҙҙе яратыр һәм гонаһтарығыҙҙы ғәфү итер. Дөрөҫлөктә, Аллаһ – Ул Ярлыҡаусы, Рәхимле”. (Әлү Ғимран сүрәһе, 31-се аят) Аллаһ әйтә: وَمَن يُشَاقِقِ الرَّسُولَ مِن بَعْدِ مَا تَبَيَّنَ لَهُ الْهُدَى وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّى وَنُصْلِهِ جَهَنَّمَ وَسَاءَتْ مَصِيرًا “Кем тура юл аңлатылғандан һуң, Рәсүлгә хилафлыҡ (ҡаршылыҡ) күрһәтеп ошо мөъминдәр юлынан баш тарта, Беҙ уны шул үҙе һайлаған алама юлында ҡалдырып, Йәһәннәмгә ташларбыҙ. Йәһәннәм инде бик яман ҡайта торған урын”. (Ән-Нисә сүрәһе, 115-се аят) #السعادة Мүтәржим Әбү Ғәбдүл-Ғәлим Әл-Бәшҡурди. https://t.me/dinsagadat