Xocavənd əməliyyatı — 7 aprel 1997-ci ildə Azərbaycanın iki kəşfiyyat qrupunun xüsusi tapşırıqla Xocavənd rayonu ərazisinə göndərilməsi. Əməliyyatın məqsədi Ermənistan ordusunun Xocavənd rayonunda dislokasiya yerlərinin müəyyən edilməsi, düşmənin canlı qüvvəsi, malik olduğu döyüş texnikaları haqda məlumatların toplanması, hərbi eşelonlarında istehkam-mühəndis hazırlığının hansı vəziyyətdə olduğunun öyrənilməsi olub.
Düşmənin arxasına keçərək tapşırığı yerinə yetirən qruplardan birincisi itkisiz qayıdıb. Lakin əməliyyatın üçüncü günü səkkiz nəfərdən ibarət olan ikinci qrup geri qayıdarkən düşmən tərəfindən aşkarlanıb. Ermənilər kəşfiyyat qrupunu mühasirəyə alıb və təslim olmalarını tələb ediblər. Təslim haqqında təklif qrup döyüşçüləri tərəfindən rədd edildikdən sonra ağır döyüş başlayıb. Qrupun yeddi üzvü sursatları tükəndiyindən düşmənin əlinə keçməmək üçün özlərini əl qumbarası ilə partladıblar. Çavuş Aqil Əhmədov isə ağır yaralanaraq huşsuz vəziyyətdə əsir düşüb. Erməni məhkəməsi Aqilə güllələnmə cəzası kəssə də, uzun sürən danışıqlardan sonra — 1999-cu ilin mart ayında onu dəyişmək mümkün olub.
Əməliyyat zamanı şəhid olmuş hərbçilərin nəşlərini erməni tərəfindən yalnız altı aydan sonra almaq mümkün olub. İki gün sonra onlar Bakıdakı İkinci Şəhidlər Xiyabanında dəfn olunublar. Onların hər biri Azərbaycan Prezidenti Heydər Əliyevin müvafiq fərmanı ilə "Azərbaycan Bayrağı" ordeni (ölümündən sonra) ilə təltif ediliblər.[1]
İki medal və «Azərbaycan Bayrağı» ordeni ilə təltif olunub.
Qrupun şəhid olmus kəsfiyyatcilarindan :
7.
FARİZ ŞƏMİL OĞLU CAVADOV
1975-ci il sentyabrın 10-da Cəbrayıl rayonunun Çaxırlı kəndində anadan olub. 1 sentyabr 1982-ci ildə Cəbrayıl rayon Mehdili kənd tam orta məktəbinə daxil olub, 1 may 1992-ci ildə həmin məktəbi bitirib. 3 oktyabr 1993-cü ildə hərbi xidmətə çağırılan Fariz bir ay Sanqaçal qəsəbəsindəki «N» saylı hərbi hissədə təlim keçib. Füzuli rayonu «N» saylı hərbi hissədə xidmət edən igid döyüşçü 10 aprel 1997-ci ildə şəhid olub. Qəhrəman döyüşçü 28 may 2017-ci ildə «Cəmşid Naxçıvanski» yubiley medalı, 24 iyun 1998-ci ildə isə «Azərbaycan Bayrağı» və «Vətən Naminə» ordeni ilə təltif olunub.
https://az.wikipedia.org/wiki/Xocav%C9%99nd_%C9%99m%C9%99liyyat%C4%B1_(1997)
ƏBƏDI YASAYANLAR KITABI(JALƏ CƏFƏROVA)