Өфөнөң 3-сө балалар стоматология поликлиникаһының баш табибы Римма Ғәниева йыл һайын үткәрелеүсе “Рәсәйҙең иң яҡшы баш табибы-2024” Бөтә Рәсәй конкурсында лауреат исемен яуланы. Белгестәрҙең әйтеүенсә, Бөтә Рәсәй конкурсы профессионализм һәм сифат стандарты маркеры булып тора. Римма Ғәниеваның конкурста еңеү яулауы ғәжәп түгел, ти хеҙмәттәштәре. Башҡортостан Һаулыҡ һаҡлау министрлығының штаттан тыш баш балалар стоматологы һәм Рәсәй Һаулыҡ һаҡлау министрлығының штаттан тыш баш балалар белгесе булараҡ, ул Өфөнөң 3-сө балалар стоматология поликлиникаһында Балалар стоматология һәм ортодонтия үҙәге асыуға өлгәште. Был дәүләт ойошмаһы кескәйҙәргә бушлай стоматология ярҙамы күрһәтә. –Юридик яҡтан беҙ – ҡала поликлиникаһы, ә бөтә эш үҙәк етәкселегендә республика буйынса ойошторола. Эшкә ярашлы финанс ярҙамы булыуын да теләр инек. Әммә беҙ идея өсөн эшләргә лә әҙербеҙ, сөнки беҙҙең хеҙмәт балаларға кәрәк. Айырыуса ата-әсә ҡарауынан мәхрүм ҡалған, ауыр тормош хәленә юлыҡҡан, сәләмәт үҙенсәлектәренә эйә булған, аҙ тәьмин ителгән ғаиләләр өсөн мөһим, – ти Римма Әсхәт ҡыҙы. Бәләкәй пациенттар менән эшләү өсөн “Толпар” күсмә стоматология комплексы ойошторолған, һуңғы осорҙа ғына 120-нән ашыу социаль балалар дәүләт учреждениеһында, Луганск Халыҡ Республикаһында булып, кескәйҙәргә медицина ярҙамы күрһәтте. “Республиканың балалар стоматологияһы хеҙмәте тотороҡло күрһәткестәргә эйә һәм күп йүнәлештәр буйынса Рәсәйҙә лидерлыҡты тота”– тине Римма Ғәниева. Фото:https://vk.com/wall-175147984_600 hhttps://vk.com/wall-175147984_600ttps://vk.com/wall-175147984_600