Урындағы үҙидара органдары хеҙмәткәрҙәре көнө айҡанлы “Иң яҡшы ауыл биләмәһе хакимиәте башлығы” конкурсында Бүздәк районының Кәпәй-Ҡобау ауыл биләмәһе хакимиәте башлығы Рифмир Зарипов ҡатнаша. Рифмир Ғәлимйән улы 2022 йылдың майынан Бүздәк районының Кәпәй-Ҡобау ауыл биләмәһе хакимиәте башлығы булып эшләй башлаған. Ошо ҡыҫҡа ике йыл дауамында байтаҡ эштәр башҡарыуға өлгәшкәндәр. Мәҫәлән, “Атайсал” проекты сиктәрендә дүрт шишмәне төҙөкләндергәндәр – Буровой, Таш ҡойо, Туҡмаҡ, Ғәбсатыр шишмәләрен. Төҙөкләндереүгә лә иғтибар ҙур. Оло Өстүбә ауылында зыярат кәртәһен алмаштырғандар, Батырша-Ҡобау ауылында һыу ҡыуыу ҡоролмаһы бинаһын төҙөгәндәр. Кәпәй-Ҡобау ауылында В.И. Лениндың һәйкәлен ремонтланғандар. – Башҡортостан Республикаһы Башлығы Радий Фәрит улы Хәбировҡа мөрәжәғәт иткәндән һуң беҙҙең ауыл биләмәһенә “Урал” янғын һүндереү автомобилен тапшырҙылар. Өс сүплекте бөтөрөү буйынса эштәр башҡарыла, – тип уртаҡлашты Рифмир Ғәлимйән улы. Былтыр район һабантуйында әүҙем ҡатнашып, икенсе ур