Унда республика биләмәһендә ҡаты коммуналь ҡалдыҡтар туплау нормативтарына үҙгәрештәр индереү тураһындағы мәсьәлә ҡаралды. Министрҙар кабинеты башлығы республикала ҡаты коммуналь ҡалдыҡтар туплау нормативтарының 2017 йылда уҡ раҫланыуына иғтибар итте. Андрей Назаров республика Хөкүмәте ҡарары проектын хупланы. Бөтә нормативтар 2027 йылдың 1 июленә тиклем яңынан ҡаралырға һәм раҫланырға тейеш. Башҡортостанда 2024-2030 йылдарға "Башҡортостан Республикаһында йәштәр сәйәсәтен үҫтереү" дәүләт программаһын тормошҡа ашырыу башлана. Уның төп йүнәлештәре Башҡортостан Республикаһы Хөкүмәтендә Премьер-министр Андрей Назаров рәйеслегендә үткән ултырышта тикшерелде. Әҙерләнгән дәүләт программаһы йәштәрҙең үҙҙәренең уй-теләктәрен тормошҡа ашырыу өсөн шарттар булдырыуға йүнәлтелгән һәм йәштәрҙең ижади потенциалын үҫтереүгә, асоциаль күренештәрҙе иҫкәртеүгә һәм ирекмәнлек менән шөғөлләнгән граждандарҙың өлөшөн арттырыуға йүнәлтелгән. Андрей Назаров тәҡдим ителгән редакцияла ҡарарҙы ҡабул итергә саҡырҙы. Премьер-министр Йәштәр сәйәсәте буйынса дәүләт комитетына башҡарма властың профилле органдары менән берлектә һөнәри белем биреү ойошмалары студенттарын проект эшмәкәрлегенә йәлеп итеү буйынса саралар ойошторорға ҡушты. Республика власть органдары менән федераль ведомстволарҙың һанлы трансформация мәсьәләләре буйынса үҙ-ара эш итеүенең аралыҡ йомғаҡтары Премьер-министр Андрей Назаров етәкселегендәге Башҡортостан Хөкүмәте ултырышында тикшерелде. Республиканың башҡарма власть органдарының бер нисәүһе был эшкә әүҙем йәлеп ителгән һәм федераль коллегалары менән үҙҙәренең экспертизалары һәм эшләнмәләре менән уртаҡлаша. Федераль һәм төбәк власть органдары өсөн берҙәм платформа эшләнмәһе булдырыу - Рәсәй Һанлаштырыу министрлығының "Һанлы иҡтисад" программаһы сиктәрендә тормошҡа ашырылған төп инициативалар иҫәбендә. Андрей Назаров министрлыҡтарҙы төбәк һәм муниципаль сервистарҙы һанлы трансформациялау буйынса планлы эште дауам итергә, шулай уҡ федераль коллегалары менән үҙ-ара файҙалы хеҙмәттәшлек сиктәрендә "ГосТех" платформаһында эшләнгән ҡарарҙарҙы Башҡортостанда ғәмәлгә индереү маҡсатында эшләнмәләр һәм экспертизалар менән әүҙемерәк уртаҡлашырға саҡырҙы. Сығанаҡ: https://pravitelstvorb.ru/news/23535/ https://pravitelstvorb.ru/news/23536/ https://pravitelstvorb.ru/news/23539/