#ijod. Muhabbatdan so‘zlab, kuylab yurganlar... Chiroyini oyu- kunga mengzab yurganlar, Oshiqlarin sanab, tanlab, yurganlar... Shundoq yuzingizga dog‘lar toshganda... Sarv qomatga zilday tog‘lar tushganda... Qurigan daraxtdek qovjiraganda... Sizga qarab uchgan-qushingiz bormi?! Alloh uchun suygan kishingiz bormi?! Atirlar terasiz oyna to‘shiga, Qalamlar payvasta qaro qoshiga, Alishmay dunyoning zari-loshiga... Sarg‘aygan ko‘zingiz o‘pgan... silagan... Sochingizga barmog‘i suvlar taragan, Kaftlarini bosib, umrin ulagan, Uyg‘onib ham ko‘rgan tushingiz bormi?! Alloh uchun suygan kishingiz bormi?! O‘n sakkizda- olov yuzlarning rangi, Yigirma... soch- ukpar, yuraklar zangi, Rom etmay sizdagi pullar jarangi, Bor bisotin sizga nisor etguvchi, Ketsangiz- kelsangiz mudom kutguvchi... Qoshingiz uysangiz, ishvasiz, nozsiz... Eng xunuk chog‘da ham sevsa-pardozsiz... Bahor, yoz, kuz... Issiq-qishingiz bormi?! Alloh uchun suygan kishingiz bormi?! Aybingiz yashirgan, kamin