Туймазы районының ГТО-ға тест үткәреү муниципаль үҙәгенә сәләмәтлек мөмкинлектәре сикләнгән кешеләр килә. Улар нормативтар тапшыра һәм тирә-йүндәгеләргә маҡсатҡа өлгәшеү өсөн мөмкин булмаған нәмәләрҙең булмауын иҫбатлап, лайыҡлы билдәләр ала. ГТО нормаларын тапшырыу Рәсәй Федерацияһы Президенты Владимир Путиндың май указы менән ойошторолған “Демография” милли проектының (национальный проект "Демография") “Спорт – йәшәү нормаһы” федераль проектын тормошҡа ашырыуға булышлыҡ итә. Ошо көндәрҙә ГТО-ға тест үтеү үҙәгенә нормативтар тапшырыу өсөн Олег Синюков килде. Уның исеме спорт тормошоноң айырылғыһыҙ өлөшө булған бөтә туймазылар өсөн дә тиерлек таныш. Олег күп кенә ярыштарҙа әүҙем ҡатнаша: саңғы, бильярд һәм йөҙөү менән мауыға. Ул реабилитация үҙәгендә эшләй һәм һаулыҡ мөмкинлектәре сикләнгән балаларға ярҙам итә. Олег Синюков нормативтар тапшырыуға эләгергә теләне, һәм бына уның сираттағы хыялы тормошҡа ашты. Ул ГТО тапшырыуҙы уңышлы үтәне. "Яҡшы физик әҙерлекте билдәләге килә, был - һис шикһеҙ, уҡытыусыларҙың, ата-әсәләрҙең һәм спортсыларҙың көндәлек хеҙмәте. Сәләмәтлек мөмкинлектәре сикләнгән кешеләр һәр ваҡыт ныҡлы рухы һәм маҡсатҡа ынтылышы менән айырылып тора, беҙ быға тағы бер тапҡыр инандыҡ! ГТО комплексы һынауҙарын һәр теләгән кеше үтә ала, нормативтар енесе, йәше һәм физик әүҙемлек буйынса бүленгән”, – тине Туймазы районының "ГТО" үҙәге етәксеһе Светлана Кәлимуллина. Фото: Туймазы районы хакимиәте.