Ендәр төрлө ҡиәфәт-шәкелдә була алалармы?
Яуап Эйе, улар төрлө ҡиәфәтте алалар - кешенекен, хайуандарҙыҡын, айырыуса ҡара төҫтәгеләрен.
Быға дәлил
Хәҙис Әбү Ҫәғләбәтә Әл-Хушани رضي الله عنه әйтте: Пәйғәмбәр Мүхәммәд صلى الله عليه وسلم әйтте: "Ендәр өс төрлө була: берәүҙәре ҡанатлы килеш осоп йөрөйҙәр, икенселәре - йылан һәм эт ҡиәфәтендә, өсөнсөләре инде ултыраҡ тормош алып баралар йәки бер урындан икенсе урынға йөрөп күсмә тормош менән йәшәйҙәр". (Быны Ибн Хиббан килтерә, шул уҡ Шейх Әлбәни Мишкәтүл-Масабиихта Сахих тип килтерә 4148. Ҡарағыҙ Сахих үл-Мүснәд 1213).
Хәҙис Әбү Һүрайра رضي الله عنه әйтте: "Пәйғәмбәр Мүхәммәд صلى الله عليه وسلم мине Фитр зәкәтен һаҡларға ҡушып ҡуйҙы. Төндә бер ир килеп зәкәттән урлай башлай. Шунан Әбү Һүрайра уны тотоп алып Пәйғәмбәргә صلى الله عليه وسلم тапшырам һине тигән. Шунан теге ир "Йоҡларға ятыр булһаң Әйәтүл-Күрси уҡы һәм Аллаһу Тәғәлә һине һаҡлаясаҡ, Шайтан һиңә иртәнсәккә ҡәҙәр яҡынлаша алмаясаҡ", - тип әйткән. Пәйғәмбәребеҙ Мүхәммәд صلى الله عليه وسلم "Был ир алдаҡсы Шайтан ине, ләкин был һүҙен ул тоғро әйткән", - тине". (Сахих Бухари, 3275).
Фәйсал ибн Мисфир исемле ғалимдың КәнзүлАтфал китабынан тәржемә ителде. Тәржемә итеүсе Әбү Әхмәд Әл-Бәшҡурди. #балаларға