Илдә өлөшләтә мобилизация иғлан ителгәс тә, Сибай концерт-театр берекмәһенән бер төркөм артистар махсус хәрби операция биләмәһенә юлланды. Улар араһында сәхнә монтажсыһы Фидан Бирғәлин дә бар. Бөгөн Сибай концерт-театр берекмәһенең йәш ғаиләләренең береһе - Нурия һәм Фидан Бирғәлиндәрҙең ҡыҙҙары тыуҙы! Йәш әсә балет артисы булһа, ғаилә башлығы әлеге көндә алғы һыҙыҡта. Донъяларына йәм биреп тыуған мөхәббәт емештәре – ҡыҙҙары ай үҫәһен көн үҫеп, үҙҙәренә иш булып ҙурайып китһен! Әсәһе менән атаһы имен-һау, бәхетле булһын! Тиҙерәк донъяла тыныслыҡ урынлашып, барлыҡ ир-егеттәребеҙ ғаиләләренә иҫән-һау, имен, теүәл әйләнеп ҡайтһын! Фото: Сибай концерт-театр берекмәһе төркөмөнән.