Яҡташыбыҙ, “Зуб” позывнойлы яугир, яраланғандан һуң һауығып, яңынан алғы һыҙыҡҡа йүнәлде, тип яҙа “Ашкадарские зори”. Күп бала атаһы былтыр көҙ контракт төҙөп, фронтҡа китә. “Мин балаларымдың һуғышыуын теләмәйем, улар тыныс йәшәһен өсөн Ватанды һаҡларға китәм. Шундай ҡарар ҡабул иткәнем өсөн һис үкенмәйем”,– ти илле йәшлек яугир. Уның хәрби әҙерлеге лә бар, Алыҫ Көнсығышта сик ғәскәрҙәрендә хеҙмәт иткән, аҙаҡ – Тажикстанда. Ул үҙенең ҡайҙа, нисек яраланыуы тураһында һөйләргә яратмай, “бер ай госпиталдә, тағы бер ай өйҙә булдым, һауыҡтым”, тип әйтеү менән генә сикләнә. “Алғы һыҙыҡҡа юл тотор алдынан ул “Һалдаттар өсөн тегәбеҙ” цехына инеп, бындағы эштәр, тегенселәр менән танышты. Ирекмәндәр уға кәрәк-яраҡ, күстәнәстәр әҙерләгән, йылы толстовка һәм флистан башлыҡ теккән. Һалдат яҡташтарына изгелектәре, йылы һүҙҙәре өсөе ҙур рәхмәт белдерҙе”, тип яҙа “Ашкадарские зори”. Иҫән-һау, еңеү менән әйләнеп ҡайтырға яҙһын, яугир! Хәтерегеҙгә төшөрәбеҙ, контракт төҙөү мәсьәләләре буйынса республика халҡы берҙәм 177 белешмә номеры буйынса, Ситуация үҙәгенә 122 йәки (347) 218-19-19-19 телефондары аша, “Минең документтарым” күп функциялы үҙәктең яҡындағы офисына мөрәжәғәт итә ала. Шулай уҡ булған һорауҙарға яуапты башбат.рф сайтында, контракт буйынса хәрби хеҙмәткә инергә теләүселәр өсөн һәм уларҙың ғаилә ағзаларына социаль ярҙам саралары тураһында "Телеграм"да мәғлүмәт таба алаһығыҙ. Башҡортостанда контракт буйынса хәрби хеҙмәткә йыйыу дауам итә. Мобиль пункттар республиканың барлыҡ ҡала һәм райондарында эшләй. Бында йыйыу тәртибе, льготалар һәм түләүҙәр тураһында консультация бирәләр, ниндәй документтар кәрәклеген аңлаталар. Дәүләт менән килешеүҙе пенсияға сыҡҡан запастағы хәрбиҙәр, саҡырыу буйынса сроклы хеҙмәттән һуң эшенән киткәндәр, шулай уҡ армияла булмаған, ләкин юғары йәки урта профессиональ белем алған ир-егеттәр ҙә төҙөй ала. Рядовойҙан алып прапорщикка тиклем контракт буйынса хәрби хеҙмәткә 65 йәшкә тиклемге ир-егеттәр ҡабул ителә. Фото: https://ashzori.ru/news/vremya-geroev/2024-03-29/boets-iz-fyodorovskogo-rayona-vozvraschaetsya-na-peredovuyu-3706490?utm_source=vk&utm_medium=social&utm_campaign=78389774