Старонкі гісторыі
У Мажскай пачатковай школе прайшоў адзіны ўрок, прысвечаны гадавіне трагедыі ў Хатыні (на здымку).
Навучэнцы змаглі паглыбіць веды аб гістарычным мінулым нашай дзяржавы, аб трагічных падзеях у Хатыні, аб генацыдзе беларускага народа ў гады Вялікай Айчыннай вайны.
Чысціня і парадак
На тэрыторыі сельсавета прайшлі мерапрыемствы ў рамках месячніка па навядзенні парадку на зямлі, добраўпарадкаванні і азеляненні.
Так, былі пасаджаны маладыя дрэўцы ў аграгарадку Мажа, добраўпарадкаваны помнікі воінскай славы і месцы воінскіх пахаванняў. З тэрыторыі могілак вывезена смецце, для навядзення парадку на ўчастках з пахаваннямі завезены пясок. Работы па навядзенні парадку і добраўпарадкаванні працягваюцца.
На кантролі - звароты грамадзян
У Капыльскім сельвыканкаме праводзіцца аператыўная работа са зваротамі грамадзян, многія з якіх датычацца якасці дарожнага палатна. Таму гэтымі днямі сіламі Капыльскай ЖКГ праводзіцца грэйдзіраванне мясцовых дарог.
Что нового на территории Копыльского сельсовета?
