Яҙғы ташҡындың нисек үтерен алдан белеп бөтөп булмай. Был осор ҙур әҙерлек тә, яуаплылыҡ та, уяулыҡ та талап итә. Быйылғы ташҡын нисек булыр? Республикабыҙ йылғаларында һыу кимәле нисек күтәрелә? Баҙығыҙға, ихатағыҙға һыу инә башлаһа, ҡайҙа мөрәжәғәт итергә? Һеҙ йәшәгән ауыл һыу баҫыу зонаһына эләккәнме? Күптәрҙе әлеге һорауҙар борсой. Ошо һәм башҡа һорауҙарға бөгөн Башҡортостандың тейешле министрлығы һәм ведомство вәкилдәре тура эфирҙа яуап бирәсәк. Трансляцияны БЮТ телеканалында, шулай уҡ телеканалдың, Республикаға идара итеү үҙәгенең, Башҡортостан Хөкүмәтенең социаль селтәрендә киске сәғәт 7-лә ҡарай алаһығыҙ. Фото: Бүздәк районы хакимиәтенән.