Баш ҡалала 13 йәшлек Павел Паличев менән 14 йәшлек Дамир Әҙеһәмовты эҙләйҙәр. Был турала социаль селтәрҙәрҙә “Лиза Алерт” ирекмәндәре хәбәр итә. Мәктәп уҡыусылары 30 мартта өйҙәренән сығып киткәндәр һәм кире ҡайтмағандар. Шул уҡ ваҡытта яҡындары менән бәйләнешкә лә сыҡмайҙар. Ирекмәндәр әйтеүенсә, малайҙар республиканың һәр районында ла булыуы ихтимал. Павелдың билдәләре: буйы 150 сантиметр, уртаса кәүҙәле, ҡуңыр күҙле. Күк төҫтә куртка һәм итек, йәшел салбар һәм шапка кейгән. Дамирҙың билдәләре: буйы 145 сантиметр, уртаса кәүҙәле, ҡуңыр күҙле. Ҡара куртка, күк төҫтәге спорт салбарҙа һәм итектә булған. Әгәр ҙә һеҙ малайҙарҙың ҡайҙалығы тураһында берәй төрлө мәғлүмәт белһәгеҙ, 8-800-700-54-52 йәки 112 һандары буйынса шылтыратығыҙ. Фото: Лиза Алерт