Стәрлетамаҡта “Хәүефһеҙ сифатлы юлдар” милли проекты сиктәрендә юлдарҙы ремонтлау сифатын тикшерҙеләр. Төҙөлөш-техник күҙәтеү белгестәре һәм федераль юл агентлығының “Урал буйы” федераль автомобиль юлдарын файҙаланыу ойошмаһы 2020-2023 йылдарҙа ремонтланған объекттарҙы тикшерҙе. Был юлы Блюхер, Салтыков-Щедрин, Ҡара диңгеҙ, Урман, Кочетов, Тыныслыҡ һәм Техник урамдарындағы юлдарҙың торошон тикшерҙеләр. – Был объекттар гарантияла. Тикшереү ваҡытында өс метрлыҡ юл рейкаһы ярҙамында юлды буйға һәм арҡырыға үлсәүҙәр башҡарыла. Тикшереү барышында юлдарҙың айырым участкаларында етешһеҙлектәр – ярыҡтар йәки асфальт-бетон япма ситенең зарарланыуы, ҡайһы бер урындарҙа күҙәтеү ҡоҙоҡтары ҡапҡастарының төшөүе асыҡланды, – тип һөйләне Стәрлетамаҡ хакимиәтенең “Капиталь төҙөлөш идаралығы” төҙөлөш-техник күҙәтеү инженеры Фәнис Ғафаров. Комиссия етешһеҙлектәрҙе теркәгән һәм тикшереү акттарын төҙөгән. 2024 йылдың июнь аҙағына тиклем подряд ойошмалары бөтә иҫкәрмәләрҙе бөтөрөргә һәм үҙ иҫәбенә ҡабаттан ремонт үткәрергә тейеш. Был юл саралары Рәсәй Президенты Владимир Путиндың май указдарына ярашлы “Хәүефһеҙ сифатлы юлдар” милли проекты (национальный проект “Безопасные качественные дороги”) сиктәренә тормошҡа ашырыла. Фото: Башҡортостан Республикаһы Хөкүмәтенең матбуғат хеҙмәте. Сығанаҡ: https://pravitelstvorb.ru/news/23412/