“Еңеүгә юл” тип аталған ирекмәндәр отряды Стәрлетамаҡ халҡына ҙур ярҙамдары өсөн рәхмәт белдерә, тип яҙа “Стерлитамакский рабочий” гәзите. “Беҙ махсус хәрби операцияла ҡатнашыусылар өсөн автомобиль һатып алыуға аҡса йыйыуҙа ҡатнашҡан бөтә кешеләргә лә рәхмәт әйтәбеҙ.Һеҙҙең ярҙамығыҙ арҡаһында автомобиль егеттәргә тапшырылды. Быныһы инде яугирҙәргә тапшырылған икенсе машина. Һеҙҙең ярҙамға индергән өлөшөгөҙ беҙҙе еңеүгә яҡынайта һәм егеттәребеҙҙең тормошон хәүефһеҙерәк итә. Изге эшегеҙ һәм ярҙамығыҙ өсөн рәхмәт һеҙгә! Беҙ бергә – көс!”. Ирекмәндәр шулай уҡ хәрбиҙәргә ярҙам итеү өсөн бөтә теләгән кешеләрҙе отряд штабына саҡыра. Ул ҡаланың Шахтау биҫтәһендә “Буревестник” балалар-үҫмерҙәр клубында урынлашҡан. Фото: https://srgazeta.ru/articles/novosti-sterlitamaka/2024-03-19/volontyorskiy-otryad-put-k-pobede-blagodarit-za-pomosch-zhiteley-sterlitamaka-3692220?utm_source=vk&utm_medium=social&utm_campaign=22753747