Гадәттән тыш хәлләр министрлыгы кисәтә: «Балаларыгызны үзләрен генә калдырмагыз!»

Балалар үзләренең куркыныч астында булуын аңлап бетермиләр.

Язгы каникуллар алдыннан Югары Ослан күзәтчелек эшчәнлеге һәм профилактика эшләре буенча бүлеге кисәтә: "Хөрмәтле ата-аналар, исегезгә төшерәбез, безнең балаларыбызның иминлеге бездән тора. Аларның гомерләрен саклау өчен гап-гади кагыйдәләрне үтәү мөһим.

балаларны кыска гына вакытка да үзләрен генә калдырмагыз. Алар бик кызыксынучан: кайчы, пычак, розеткалар, ачык тәрәзә, балконнар, шырпы аларны җәлеп итә, бар әйберне тикшереп, сынап карарга кирәк

• -көнкүрештә куллана торган химик матдәләрне балалар тимәслек урыннарда саклау мөһим
• -балкон, тәрәзәләрне ачык калдырмагыз. Москит сеткалары егылып төшүдән сакламый.
• -балаларга вак әйберләр белән уйнарга бирмәгез, алар аны йотарга, авызга алырга, борынга, колакка тыгарга мөмкин
• -балаларга телевизор, компьютерны кабызырга рөхсәт итмәгез
• -шырпы, пычак, кайнар чәйнек, кастрюльгә кагылырга ярамаганлыгын аңлатыгыз
• -төзелеш объектлары янында уйнарга рөхсәт итмәгез

Ата- аналар! Бәлане булдырмау җиңелрәк!

Үзегезнең, балаларыгызның гомерен саклагыз!