27 мартта Мәскәүҙә 43-сө “РААПА ЭКСПО-2024 аттракциондар һәм күңел асыу ҡорамалдары” халыҡ-ара күргәҙмәһе сиктәрендә “ПроПарк” премияһын тапшырыу тантанаһы үтте. Унда “Галактика” күңел асыу үҙәктәре селтәре командаһы “Беҙ бергә – Мы вместе” проекты өсөн “Йыл сараһы” номинацияһында еңеү яуланы. Был проект халыҡтың мәҙәни кимәлен һәм ижади әүҙемлеген күтәреү маҡсатында Башҡортостан Республикаһының традицияларын, мәҙәниәт һәм сәнғәт ҡаҙаныштарын популярлаштырыуға һәм һаҡлауға йүнәлтелгән. “Беҙ бергә – Мы вместе” Стәрлетамаҡ ҡалаһының Гагарин паркы биләмәһендә тормошҡа ашырыла һәм күп бушлай сараларҙы үҙ эсенә ала. Улар араһында, мәҫәлән, 1812 йылғы Ватан һуғышында башҡорт яугирҙәренең ҡатнашыуы тураһында “Төньяҡ амурҙары” күргәҙмәһе бар. Йәй айҙарында проект саралары дауам итәсәк. Уларҙы үткәреү датаһын һәм ваҡытын Гагарин паркының сайтында һәм социаль селтәрҙәрендә park-str.ru һылтанмаһы аша ҡарай алаһығыҙ. Фото: