“Заман ауазы” әҙәби конкурсының еңеүселәре билдәле

Башҡорт, рус һәм татар телдәрендә ижад иткән профессиональ яҙыусылар араһында патриотик әҫәрҙәр яҙыу буйынса “Заман ауазы” әҙәби конкурсының һөҙөмтәләре билдәле булды. Уны республиканың Яҙыусылар союзы Башҡортостан Башлығы Радий Хәбиров һәм уның Гранттар фонды ярҙамында ойошторҙо. Ижади бәйгелә Башҡортостандың билдәле әҙиптәре ҡатнашты. Еңеүселәр дүрт номинацияла билдәләнде: "Ҙур проза" (роман, повесть), "Бәләкәй проза" (хикәйә, эссе), "Шиғриәт" (шиғырҙар циклы, поэма), "Балалар өсөн иң яҡшы әҫәр". Приз фонды 1 200 000 һум тәшкил итте. Улар әҫәрҙәрен баҫтырып сығарыуға сертификат алды. Ун еңеүсенең патриотик әҫәрҙәре айырым китап итеп тә баҫтырыла. "Заман ауазы"ның еңеүселәр менән танышып үтәйек. "Поэзия" номинацияһы. 1-се урын - Лариса Абдуллина, "Халҡым минең - Ватаным!" шиғырҙар циклы өсөн. 150 мең һумға сертификат. 2-се урын - Зөһрә Ҡотлогилдина, "Блокада" поэмаһы. 100 мең һумға сертификат. 3-сө урын - Александр Хватков, Есть на свете такая страна…». 50 мең һумға сертификат. "Ҙур проза" номинацияһы.1-се урын - Мәүлиҙә Әхмәтйәнова. "Мәскәү ҡыҙы" романы. 200 мең һумлыҡ сертификат.2-се урын - Гүзәл Ситдиҡова, “Сал сәсле малай” повесы. 150 меңгә сертификат.3-сө урын - Айбулат Сисәнбаев, "Патриот бабай” повесы. 100 меңгә сертификат. "Бәләкәй проза" номинацияһы.1-се урын - Миләүшә Хабилова, “Аманат” хикәйәһе. 150 меңгә сертификат.2-се урын - Фәрзәнә Аҡбулатова, “Еңеү ҡанаттары” хикәйәһе. 100 меңгә сертификат.3-сө урын - Зөлфирә Ҡаҙаҡбаева, “Геройҙар ваҡыты” хикәйәһе. 50 меңгә сертификат. "Балалар өсөн иң яҡшы әҫәр" номинацияһы.1-се урын - Рәмзәнә Абуталипова, "Еңеүҙе яҡынайтабыҙ" шиғырҙар циклы өсөн. 150 меңгә сертификат. Лауреаттарҙы Яҙыусылар союзы рәйесе, БР Дәүләт Йыйылышы –Ҡоролтай депутаты, Башҡортостан Башлығы ҡарамағындағы Мәҙәниәт һәм сәнғәт буйынса совет ағзаһы Айгиз Баймөхәмәтов, БР Дәүләт Йыйылышы –Ҡоролтай депутаты, Башҡортостан Башлығының патриотик тәрбиә мәсьәләләре буйынса кәңәшсеһе, ӨФһТУ (элекке БДУ) проректоры Валентин Солодовник, мәҙәниәт министры урынбаҫары Илнур Мөхйәнов һәм Башҡортостан Башлығы гранттары фондының генераль директоры Люциә Сәйфуллиналар тәбрикләне. "Ил яҙмышы - һәр яҙыусының ижадындағы үҙәк тема. Бөгөн был конкурс айырыуса көнүҙәк. Беҙгә халыҡтың илһөйәрлек рухын күтәрергә, ә бының өсөн заманының ауазы булырҙай лайыҡлы әҫәрҙәр тыуҙырырға тейешбеҙ", - тип билдәләне А. Баймөхәмәтов. Роман Фролов фотолары.