“Етештереү лидерҙары” идарасы кадрҙарын әҙерләү программаһы буйынса уҡытыуҙы Башҡортостандан 11 кеше үтәсәк. Улар дүрт предприятиеның етәкселек составынан. Был сараларҙың “Хеҙмәт етештереүсәнлеге” милли проекты (национальный проект “Производительность труда”) буйынса ойошторолоуы тураһында хәбәр итә төбәктең Иҡтисади үҫеш һәм инвестиция сәйәсәте министрлығы. Был курс илдең 44 субъектынан 200-ҙән ашыу етәкселәрҙе берләштерҙе. Башҡортостандан унда “ОЗНА” компанияһы вәкилдәре (гидравлик һәм пневматик көс ҡоролмалары, двигателдәр етештерә), “Дека-С” (сымдан , пружиналарҙан әйберҙәр етештереүсе), “Пищепром” (йәшелсә-емеш консервацияларын әҙерләүсе) һәм "Медстальконструкция" (медицина инструменттарын һәм ҡорамалдарын сығарыусы). “Етештереүсәнлек лидерҙары” белем биреү программаһы – бизнесҡа ярҙам сараларының береһе, ул “Хеҙмәт етештереүсәнлеге” милли проекты сиктәрендә Рәсәйҙең Иҡтисади үҫеш министрығы заказы буйынса әҙерләнгән. 2019 йылдан алып был программа буйынса республика предприятиеларының юғары звеноһынан 270-тән ашыу етәксе уҡыуҙы үҙләштерҙе, тине республиканың Иҡтисади үҫеш һәм инвестиция сәйәсәте министрының беренсе урынбаҫары Айрат Фәхретдинов. Яңы уҡыу төркөмөндә ҡатнашыусылар һаны буйынса лидерҙар: Мәскәү, Мәскәү өлкәһе, Санкт-Петербург, Башҡортостан, Воронеж өлкәһе. Етәкселәр стратегия, маркетинг, производство һәм персонал менән идара итеү өлкәһендә белемдәрен нығыта. “Хеҙмәт етештереүсәнлеге” милли проекты илдә хеҙмәт етештереүсәнлегеның йыллыҡ үҫешен 5 процентҡа арттырыу өсөн шарттар тыуҙырыуҙы маҡсат итеп ҡуя. Милли проекттар Рәсәй Президенты ҡарары буйынса 2019 йылдан тормошҡа ашырыла. Фото: “Башҡортостан” ДТРК-һы сайты.