“Балҡыш” театр берләшмәһе 2011 йылда эшләй башлаған. 2015 йылда “халыҡ татры” исемен яулаған. Репертуарында М. Кәрим, И. Абдуллин әҫәрҙәре бар. Театрҙа ҡатнашыусылар башҡорт театрының тарихын һәм йолаларын, сәхнә оҫталығын да өйрәнә. Республикабыҙҙың күптән эшләп килгән бай тарихлы театрҙары менән сағыштырғанда, “Балҡыш”, әлбиттә, ныҡ йәш, уға әле үҫергә лә үҫергә. Шуға ла һәүәҫкәр артистар һис туҡтамай оҫталыҡ серҙәренә төшөнөүҙе дауам итә, яңы тамашалар әҙерләү өҫтөндә эшләй. Йәш коллектив булһа ла, уңыштары ла бар “балҡыш”тарҙың: 2014 йылда районда үткән театраль конкурста 2-се урын ала, 2015-селә “Аҡ тирмә” республика фестивалендә ҡатнаша, “Еңеү салюты” республика халыҡ ижады конкурсында лауреат була, 2016 йылда Стәрлетамаҡта һәүәҫкәр театрҙар араһындағы асыҡ ҡала фестивалендә 2-се дәрәжә диплом яулай. Фәғилә Мәғәфүр ҡыҙының мәҙәниәт өлкәһендә эшләүенә 14 йыл, төп вазифаһы – Меңйетәр ауыл мәҙәниәт йортоноң өлкән мәҙәни ойоштороусыһы. “Балҡыш”та ул асылғандан ҡатнаша ,ә үткән көҙҙән