Нашай зямлі - агульны клопат
Жыхары сельсавета актыўна ўдзельнічаюць у работах па добраўпарадкаванні тэрыторый.
А пачалі вяскоўцы з уборкі парка і добраўпарадкавання вуліцы Драздовіча ў аграгарадку Лясное. Шмат зроблена вакол воінскіх пахаванняў і помнікаў ахвярам фашызму. Дарэчы, на тэрыторыі сельсавета 23 воінскія пахаванні і 15 памятных месцаў.
Свой уклад у агульную справу ўнеслі і жыхары аграгарадка Пясочнае: прыбрана прыбярэжная паласа ракі Нёман.
У рамках месячніка па навядзенні парадку на зямлі ў вёсцы Думічы знесены дом пасля пажару, а ў аграгарадку Пясочнае – яшчэ і абгарэлы хлеў. А жыхары ўсіх населеных пунктаў сельсавета прыводзяць у парадак свае двары і прысядзібныя ўчасткі.
"вясновыя матывы"
Вясна – час, калі сэрца напаўняецца натхненнем. У гэтым не сумняваюцца ўдзельнікі гуртка дэкаратыўна-прыкладнога мастацтва "Чароўны клубочак" Лоцвінскага цэнтра аматарскай творчасці. А доказам з’яўляецца выстава "Вясновыя матывы". Наведвальнікі змаглі ацаніць, з якім майстэрствам і талентам былі выкананы ўсе работы.
Канікулы з карысцю
Вясновыя канікулы ў Лоцвінскім цэнтры аматарскай творчасці дзеці правялі з карысцю і ў бяспецы (на здымку).
Работнікі культуры падрыхтавалі насычаныя і разнастайныя мерапрыемствы: гадзіна бяспекі, музычныя гульні, творчыя кафэ, віктарыны пра прыроду, выставы, гульню "Крыжыкі-нулікі", турніры па настольных гульнях. Выдатна адпачыўшы, набраўшыся сіл, дзеці ўключыліся ў навучальны працэс.
О жизни на территории Бобовнянского сельсовета
