Справа агульная
Актыўна падключыліся да месячніка па навядзенні парадку на зямлі жыхары сельсавета.
Работнікі сельвыканкама, а таксама клуба і бібліятэкі наводзяць парадак на грамадзянскіх могілках у Бучаціне. Яны прыбралі тэрыторыю ад смецця і сухой расліннасці, а супрацоўнікі лясгаса дапамаглі выразаць акацыі.
Добрая справа аб’яднала і работнікаў мясцовай школы, якія навялі марафет на зямельным участку пустуючага дома ў Бучаціне па вул. Савецкай.
Чыстая зямля
Жыліхаўскім сельскім домам культуры сумесна з сельскай бібліятэкай праве-дзены працоўны дэсант "Чыстая Зямля".
Вялікую дапамогу ў навядзенні парадку аказалі хлапчукі аграгарадка, якія дапамаглі прыбраць дзіцячую пляцоўку, тэрыторыю ўздоўж дарогі і каля альтанкі, дзе любяць праводзіць час з сябрамі пасля навучальнага тыдня.
У гасцях у казкі
Весела і цікава правялі свой вольны час выхаванцы Жыліхаўскага дзіцячага сада.
Для іх прайшла займальная віктарына "У гасцях у казкі". Дзеці з задавальненнем адправіліся ў падарожжа па казках, успомнілі любімых герояў, а ў канцы мерапрыемства з дапамогай любімых цацак праінсцэніравалі казку "Рэпка" (на здымку).
"Маладосць - свет магчымасцяў"
На базе Бучацінскай сярэдняй школы спецыялісты Капыльскага раённага цэнтра культуры і ўдзельнікі вакальнага гуртка "Нашы галасы" правялі канцэртную праграму "Маладосць – свет магчымасцяў".
Мерапрыемства прайшло ў рамках акцыі "Беражы сябе для жыцця" для навучэнцаў старэйшых класаў. Маладыя выканаўцы падзяліліся сваім меркаваннем пра магчымасці ажыццяўлення мары – ісці наперад, развівацца і тварыць.
О жизни на территории Бучатинского сельсовета
