Сара фажиғәле Хатынь ваҡиғаһына тап килгән Мәскәү янындағы терактта һәләк булғандарҙы бер минут тынлыҡ менән иҫкә алыуҙан башланды. Бөтә зал терактта һәләк булғандарҙы аяғүрә баҫып иҫкә алды, ә экранда бер туҡтауһыҙ аҡ торналар осто. Рәсәй һәм Беларусь халыҡтары берҙәмлеге көнө – тарихи яҙмыштарҙың уртаҡлығын, күп быуаттар буйына һуҙылған дуҫлыҡты һәм белорустарҙың һәм рәсәйҙәрҙең рухи туғанлығын символлаштырған байрам. Тантаналы сарала ҡатнашыусыларҙы Башҡортостан Республикаһы мәҙәниәт министрлығының беренсе урынбаҫары Лапшина Наталья Михайловна, Башҡортостан Республикаһының Өфө ҡалаһындағы Беларусь Республикаһы вәкиллегенең бүлек етәксеһе Карпович Артур Борисович һәм Башҡортостан Республикаһының тышҡы иҡтисади элемтәләр һәм конгресс эшмәкәрлеге министры урынбаҫары Ильясова Әлиә Рафаэль ҡыҙы сәләмләне. Наталья Лапшина иҡтисади, социаль һәм мәҙәни өлкәлә тығыҙ хеҙмәттәшлек тураһында һөйләне. “Был туранан-тура осош рейстары ла, туризм программалары, мәҙәниәт өлкәһендә үҙ-ара тығыҙ бәйләнештәр ҙә: гастролдәр, музей программалары, мәҙәни акциялар. БР Халыҡтар дуҫлығы йорто “Башҡортостан белорустары” йәмғиәте менән берлектә мәҙәни бәйләнештәр буйынса шаҡтай эш алып бара”, -тип билдәләп үтте министр урынбаҫары. Сарала ҡатнашыусылар алдында “Башҡортостан” дәүләт концерт залы коллективтары һәм солистары Алмаз Әйүпов, “Кредо” өлгөлө эстрада балет, шулай уҡ белорус йырҙары“Сябры” халыҡ йыр ансамбле, Виктория Пивоварцева, «Бэби-шлягер» вокаль-эстрада студияһы, «Иҙел» халыҡ бейеү ансамбле сығыш яһаны. Фото: БР Халыҡтар дуҫлығы йорто