Инженер мәктәбе электромобилдәрҙе зарядлау импортын алмаштырҙы

Өфө фән һәм технологиялар университетының "Киләсәк моторҙары" алдынғы инженерлыҡ мәктәбе белгестәре тулыһынса ватан компоненттарынан торған ҡеүәте 150, 120 һәм 90 кВт булған электромобилдәр өсөн зарядлау станцияларын сериялы етештереүгә индерҙе. Университет-ара кампуста урынлашҡан инженер мәктәбе көсө менән бөтә төп компоненттар эшләнә. 30 кВт ҡеүәтле универсаль электрон көс модуле "УЭСМ-30" "Өфө приборҙар эшләү производство берекмәһе" акционерҙар йәмғиәтенең индустриаль партнеры (Ростехҡа инә) менән берлектә эшләнгән. Көс модуле теләһә ниндәй етештереүсенең электромобиле, электробусы өсөн зарядлау станцияһы составында эшләргә, шулай уҡ аккумулятор батареяларын зарядлау өсөн сәнәғәт ҡулланыусыларының электр энергияһын резервлау системаларында электр энергияһын туплауға мөмкинлек бирә. Бөгөн станциялар Башҡортостандың Сауҙа-сәнәғәт палатаһының сертификатын алды, һәм алдағы бер нисә айҙа улар ҡала урамдарында барлыҡҡа киләсәк. Сығанаҡ: https://pravitelstvorb.ru/news/23355/