Мәскәүҙә үткән "Рәсәй" халыҡ-ара форум-күргәҙмәһендә "Роснефть" павильонында Башҡортостан Республикаһы көндәрен асыу сараһы барышында Башҡортостан Хөкүмәте менән "Роснефть" компанияһы эске автомобиль туризмын үҫтереү өлкәһендә хеҙмәттәшлек тураһында меморандумға ҡул ҡуйҙы. Уға Башҡортостан Хөкүмәте Премьер-министры Андрей Назаров, «Роснефть» компанияһының ваҡлап һатыу бизнесы һәм эске баҙар үҫеше буйынса вице-президенты Сергей Степаненко ҡул ҡуйҙы. Меморандум эске автомобиль туризмын үҫтереүҙә, Башҡортостандың туристик потенциалын, юл буйы хеҙмәтләндереүе объекттарын һәм «Роснефть» сауҙа селтәренә ингән «Башнефть» автозаправка станцияһы селтәрен үҫтереүҙә һөҙөмтәле хеҙмәттәшлекте күҙ уңында тота. Хеҙмәттәшлектең маҡсаты – туристарға юғары сифатлы хеҙмәт күрһәтеү, хеҙмәтләндереү һәм ҡунаҡсыллыҡ кимәлен арттырыу. Республикала 27 яғыулыҡ ҡойоу станцияһы федераль трасса һәм автомобиль юлдарында Башҡортостандың төп туристик объекттары йүнәлешендә урынлашҡан. «Роснефть» павильонында Башҡортостан Республикаһы көндәрен асыу тантанаһында ҡатнашыусыларҙы сәләмләп, Андрей Назаров, «Роснефть»тең төп активы – «Башнефть» ойошмаһы – тулайым төбәк продуктының яҡынса 10 процентын тәшкил итә һәм республиканың иң эре һалым түләүсеһе булып тора, тип билдәләне. «Роснефть» компанияһының төп башҡарыусы директоры кәңәшсеһе һәм «Башнефть» компанияһының генераль директоры Андрей Лазеев билдәләүенсә, «Роснефть» менән Башҡортостан Республикаһы араһындағы Хеҙмәттәшлек тураһындағы килешеү буйынса республикала социаль инфраструктураны үҫтереү буйынса күләмле эштәр алып барыла. Андрей Назаров республика менән "Башнефть"тең үҙ-ара бәйләнеше арта ғына барасаҡ, тип билдәләне. Һуңғы биш йылда төбәккә капитал килеүе 1,5 тапҡырға артҡан һәм был юҫыҡта ил буйынса уртаса күрһәткестән ике тапҡырға тиҙерәк үҫешә. Был инвестиция проекттарына комплекслы ярҙам күрһәтеүҙең алдынғы инфраструктураһын булдырыу буйынса системалы эш менән бәйле. Бөгөн Башҡортостанда 1,2 триллион һумдан ашыу суммаға 2000-гә яҡын ошондай башланғыс тормошҡа ашырыла, тип өҫтәне Башҡортостан Премьер-министры. Андрей Назаров социаль селтәрҙәрендә лә был ваҡиғаны яҡтыртып яҙҙы. "Беҙҙең «Башнефть» - данлы тарихы булған компания һәм ватан нефть эшкәртеү сәнәғәте флагмандарының береһе. Бөгөн бында 35 меңдән ашыу кеше эшләй", - тип яҙҙы ул, компанияның республика үҫешенә индергән лайыҡлы өлөшөн, ҡаҙаныштарын билдәләп. "Беҙҙә Башҡортостан һәм Рәсәй мәнфәғәте өсөн берлектәге үҫеш һәм ҡаҙаныштар өсөн сикләнмәгән мөмкинлектәр бар", - тип яҙҙы Премьер-министр. Мәғлүмәт, фото:pravitelstvorb.ru/news/23350/ һәм vk.com/agnazarov