“Хәүефһеҙ сифатлы юлдар” милли проектына (национальный проект «Безопасные качественные дороги») ярашлы, “Башавтотранс” филиалдарына Рәсәйҙә эшләнгән «Вектор NEXT 7.6» маркалы 159 яңы автобус килде. Улар навигация системаһы ҡорамалдары менән йыһазландырылған һәм заманса хәүефһеҙлек талаптарына яуап бирә. Һәр ҡайһыһы 43 пассажир һыйҙырышлы. Автобустар Баймаҡ, Бәләбәй, Бөрө, Дүртөйлө, Красноусол, Мәләүез, Мәсәғүт, Нефтекама, Октябрьский, Салауат, Сибай, Стәрлетамаҡ, Туймазы һәм Учалы автотранспорт предприятиеларында эшләйәсәк. “Уларҙы бәләкәй ҡалалар һәм ауылдарҙың пассажирҙар транспорты составын тулыландырыу өсөн махсус ҡаҙна кредиттары программаһы буйынса алдыҡ. Ошо программаға ярашлы, бөтәһе 250 автобус ҡайтарылды”, – ти “Башавтотранс”тың генераль директоры Надир Самиев. Фото: “Башинформ”.