“Биләмәләр үҫеше фонды” хоҡуҡи компанияһы өлөшсөләрҙең түләүҙәрҙе алыуы өсөн документтарҙы онлайн ҡабул итеү процесын ябайлаштырҙы. Был Биләмәләр үҫеше фондының Күҙәтеүселәр советы ҡарары тарафынан аҡсалата компенсация тәғәйенләнгән өлөшсөләргә ҡағыла. Түләүҙе алыу өсөн Биләмәләр үҫеше фонды сайтындағы шәхси кабинетҡа инергә кәрәк. Шуны хәтерҙән сығармағыҙ: аҡсаны алыу өсөн ғаризаны һеҙҙең объект буйынса конкурс производствоһы процедураһы тамамланғанға тиклем бирергә кәрәк. Хоҡуғығыҙҙан ваҡытында файҙаланып ҡалығыҙ, юғиһә түләүҙе суд аша ғына алып буласаҡ, тип хәбәр итә республиканың Төҙөлөш һәм архитектура министрлығының матбуғат хеҙмәте. Ә граждандарҙы торлаҡ менән тәьмин итеү – Рәсәй Президенты тарафынан барлыҡҡа килгән “Торлаҡ һәм ҡала мөхите” милли проекты (национальный проект “Жилье и городская среда”) бурыстарын тормошҡа ашырырға булышлыҡ итә. Әйткәндәй, Башҡортостанда "Торлаҡ һәм ҡала мөхите" милли проектына ярашлы, 2019 йылдан алып туғыҙ мең кеше авариялы йорттарҙан яңы торлаҡҡа күсерелде. Фото, сығанаҡ: Башҡортостандың Торлаҡ һәм архитектура министрлығы.