Премьер-министр Андрей Назаров етәкселегендәге Башҡортостан Хөкүмәте ултырышында территорияларҙы комплекслы үҫтереү механизмын тормошҡа ашырыу барышын тикшерҙеләр. РФ Төҙөлөш һәм торлаҡ-коммуналь хужалыҡ министрлығы менән Башҡортостан Хөкүмәте араһында төҙөлгән меморандумға ярашлы, 2030 йылға тиклем 7,5 миллион квадрат метрҙан ашыу торлаҡ күләмендә, шул иҫәптән территорияларҙы комплекслы үҫтереү сиктәрендә 5,6 миллион квадрат метр торлаҡ күләмендә ҡала төҙөлөшө потенциалын тәьмин итеү буйынса йөкләмәләр ҡабул ителде, тип билдәләне Премьер-министр. – Бөгөн республика биләмәһендә 1,6 миллион квадрат метрҙан ашыу ҡала төҙөлөшө потенциалы булған биләмәләрҙе комплекслы үҫтереү тураһында 11 килешеү төҙөлгән, – тип һыҙыҡ өҫтөнә алды Андрей Назаров. БР Төҙөлөш һәм архитектура министры вазифаһын башҡарыусы Артем Ковшов Башҡортостан Республикаһы биләмәләрен комплекслы үҫтереү механизмын ғәмәлгә ашырыу барышы тураһында тулыраҡ һөйләне. 2023 йыл йомғаҡтары буйынса республиканың ҡала төҙөлөшө потен