68. Рукъя (өшкөрөү) эшләр өсөн Ҡөрьән һәм Сөннәттә килгән ҡайһы бер доғаларҙы килтер
Яуап : Доға
أَذْهِبِ البَاسَ، رَبَّ النَّاسِ، اشْفِهِ أَنْتَ الشَّافِي، لَا شِفَاءَ إِلَّا شِفَاؤُكَ، شِفَاءً لَا يُغَادِرُ سَقَمًا"Йә, Аллаһ, Кешеләрҙең Раббыһы! Сирен бөтөр, шифа Бир уға, Һин бит - Шифа биреүсе! Һинән башҡа Шифа биреүсе юҡ. Сире ҡалмаҫлыҡ, шифа Бир!"
Быға дәлил Ғәишә رضي الله عنها еткерҙе Пәйғәмбәребеҙ Мүхәммәд صلى الله عليه وسلم берәй сирленең хәлен белер булһа, ошолай әйтер булған: أَذْهِبِ البَاسَ، رَبَّ النَّاسِ، اشْفِهِ أَنْتَ الشَّافِي، لَا شِفَاءَ إِلَّا شِفَاؤُكَ، شِفَاءً لَا يُغَادِرُ سَقَمًا "Йә, Аллаһ, Кешеләрҙең Раббыһы! Сирен бөтөр, шифа Бир уға, Һин бит - Шифа биреүсе! Һинән башҡа Шифа биреүсе юҡ. Сире ҡалмаҫлыҡ, шифа Бир!" (Сахих Бухари 5675, Сахих Муслим 2191).
Доға بِاسْمِ الله أَرْقِيكَ، مِنْ كُلِّ شَيْءٍ يُؤْذِيكَ، مِنْ شَرِّ كُلِّ نَفْسٍ أَوْ عَيْنِ حَاسِدٍ، الله يَشْفِيكَ بِاسْمِ الله أَرْقِيكَ
Быға дәлил Әбү Сә'ид Әл-Худри رضي الله عنه еткерҙе: Джибриил фәрештә Пәйғәмбәр Мүхәммәдкә صلى الله عليه وسلم килде, һәм өндәште: - Йә, Мүхәммәд! Берәй нәмәнән зарланаһыңмы? - Эйе, - тип яуапланы Мүхәммәд صلى الله عليه وسلم. Шунан Джибриил عليه السلام әйтте: - Аллаһ исеме менән һәр бер һине зарландырған нәмәнән, һәр бер кешенең яманлығынан, һәр бер көнсөл кешенең хөсөтле күҙенән һаҡлаһын тип Аллаһтан ялбарып һорайым, һиңә Аллаһ Шифа Бирһен!" (Сахих Муслим, 2186).
Фәйсал ибн Мисфир исемле ғалимдың КәнзүлАтфал китабынан тәржемә ителде. Тәржемә итеүсе Әбү Әхмәд Әл-Бәшҡурди. #балаларға https://t.me/kanzulatfalbashkortsa