Беҙ һеҙгә ошо ашамлыҡтар менән дауаланырға кәңәш итмәйбеҙ, ә уларҙы рационға индереү тик файҙаға ғына булыуы тураһында аңлатабыҙ. Ҡәһүә. Кофеин быума йүтәлдең симптомдарын еңеләйтә (шулай ҙа дарыуҙар һымаҡ һөҙөмтәле булмай). Шуға күрә әгәр ҙә һеҙҙең тымау булһа, көнөгөҙҙө бер шәшке ҡәһүәнән башлағыҙ. Алмалар. Емештәге фенол кислоталары һәм флавоноидтар тын юлдарындағы ялҡынһыныуҙы кәметә. Әйткәндәй, әгәр ҙә һеҙ тәмәке тартһағыҙ, алма һеҙҙең өсөн айырыуса файҙалы, сөнки үпкәләрегеҙҙе һаҡларға ярҙам итәсәк (ә хәүефле ғәҙәттән баш тартһағыҙ, алма һеҙгә кәүҙә ауырлығы йыймаҫҡа булышлыҡ итер). Йәшел сәйҙә булған антиоксиданттар организмды тынысландыра, ялҡынһыныуҙы кәметә. Иң мөһиме йәшел сәйҙә кверцетин күп. Ул тәбиғи антигистамин кеүек тәьҫир итә. Был организмда аллергия симптомдарын тыуҙырыусы гистамин һәм башҡа химик матдәләр сығарыуҙы тотҡарлай тигәнде аңлата. Әгәр ҙә тымауға тап аллергия сәбәпсе булһа, йәшел сәй эсергә кәңәш ителә. Көнбағыш орлоҡтары. Әгәр ҙә һеҙ тәмәке тартһағыҙ, ҙур ҡалала йәшәһәгеҙ, йыш ҡына һалҡын тейһә – даими рәүештә көнбағыш ашарға кәрәк. Ҡабаҡ йәки етен орлоҡтары магнийға бай. Улар тын юлдары мускулдарына ял итергә ярҙам итә һәм ялҡынһыныуҙы кәметә. Һөмбаш. Ғөмүмән, майлы сортҡа ҡараған һәр балыҡ омега-3 майлы кислоталарына бай. Улар үпкәләге ялҡынһыныуҙы кәметергә ярҙам итә һәм бактериялар менән дә көрәшә ала. Айрат Нурмөхәмәтов фотоһы.