Мөфтөй Айнур хәҙрәт Бирғәлин үҙенең Ибраһим Десаи һәм Мөхәммәт Сәлих Әл-Мунажид кеүек абруйлы ғалимдарҙың фәтүәләренә нигеҙләнгән вәғәздәрендә мосолмандарҙың һайлауҙа ҡатнашыуы гражданлыҡ позицияһы ғына түгел, ә бурысы ла булыуын күп тапҡырҙар һыҙыҡ өҫтөнә алды. Уларҙың фәтүәләренә ярашлы, ислам нормаларына ҡаршы килмәһә, һайлауҙа ҡатнашыу рөхсәт ителгән генә түгел, ә яҡшы ғәмәл дә булып тора. Улар фекеренсә, һайлауҙарҙа ҡатнашыу мосолмандарға үҙ позицияһын белдереү һәм илдәге сәйәси процестарға йоғонто яһау, шулай уҡ уларҙың хоҡуҡтарын һәм мәнфәғәттәрен яҡлаусы һәм ғәҙеллек һәм тигеҙлек принциптарына ярашлы эш итеүсе кандидатҡа тауыш биреү мөмкинлеген бирә. “Бөгөн беҙҙең өсөн бик мөһим – беҙ ҙур, көслө һәм ҡеүәтле илдең президентын һайлайбыҙ. Һуңғы айҙа беҙ “Исламда һайлауҙар” программаһын үткәрҙек, унда диндарҙар менән диндең һайлауҙарға мөнәсәбәте тикшерелде. Сөнки ҡайһы берҙә кешеләр битараф була. Әммә беҙ ислам күҙлегенән ҡарағанда, кеше социаль әүҙем булырға, йәмғиәттә барған ваҡиғалар уны борсорға тейешлеген аңлатырға тырыштыҡ. Ислам ғалимдары һәм хоҡуҡ белгестәре әйтеүенсә, кеше һайлауҙарға барырға һәм йәмғиәт өсөн иң ҙур файҙа килтергән кеше өсөн тауыш бирергә тейеш", - ти БР мосолмандары Диниә назараты рәйесе Айнур Бирғәлин. Рәсәй граждандары киләһе алты йылға дәүләт башлығын һайлай. Бөгөн тауыш биреүҙең һуңғы көнө, мөһим сәйәси ваҡиғанан ситтә ҡалмағыҙ, ғаиләгеҙ менән ҡатнашығыҙ! Фото: dumrb.ru #ВыбираемПрезидента #Башкортостан #БашВыбор2024 #всейсемьей