Саҡмағош районында ла Рәсәй Президенты һайлауҙары әүҙем бара. Унда төрлө быуын кешеләре илебеҙҙең киләсәге өсөн тауыш бирә. Райондың иң өлкән кешеһе – Киндеркүл ауылында йәшәүсе Әминә Ғиниәтулла ҡыҙы Хәйбрахманова ла үҙенең гражданлыҡ бурысына тоғро ҡалып, тауыш һайлауҙа ҡатнашты. – Күптән түгел Әминә Ғиниәтулла ҡыҙын юбилейы менән ҡотланыҡ. Ул бер һайлауҙы ла ҡалдырмауын һәм мотлаҡ Ил Президенты өсөн тауыш биреүҙә ҡатнашасағын билдәләне. Һайлау комиссияһы ағзалары уның өйөнә барҙы. Әминә Ғиниәтулла ҡыҙының тауыш биреүҙә ҡатнашыуы – тарихи мәл! Ул үҙенең һайлауын ейән-ейәнсәрҙәренең, бүлә-бүлсәрҙәренең бәхетле киләсәген һайланы. Уның эшмәкәрлегенә ихлас һоҡланам. Әмин апаға иң яҡындары һәм туғандары менән бергә тыныс, яҡты көндәр, бәхетле ҡартлыҡ теләйем! – тип уртаҡлашты Саҡмағош район хакимиәте башлығы Реканс Йәмәлиев. Фото сығанағы: Реканс Ямалеев #ВыбираемПрезидента #Башкортостан #БашВыбор2024