Һайлаусылар маскировка селтәрҙәре үреүгә ҡушыла ала

Педагогтар, улар араһында Роза Фәйзуллина ла бар, уҡыусылар менән бергә маскировка селтәрҙәре үрә, ә һайлау көндәрендә теләк белдергән һайлаусыларҙы был ҡатмарлы эшкә өйрәтә. – Был - бик мөһим эш! Йөрәктәребеҙ йылылығы әле МХО-ла булған сығарылыш уҡыусыларын, атайҙарыбыҙҙы, ағай-энеләребеҙҙе, күршеләребеҙҙе – бөтә ир-егеттәребеҙҙе һаҡлаясаҡ! Ә беҙ еңеү беҙҙең яҡта булыр тип ышанабыҙ! – тигән ышаныста Роза Фәйзуллина. Директор Ольга Урванцева етәкселегендәге уҡытыусылар коллективы нисек булдыра ала, шулай ярҙам итә. – Һәр кеше ниндәйҙер файҙа килтерергә тейеш. Был - минең тормош позициям. Әле махсус хәрби операция бара – уҡыусылар уларға нисек ярҙам итә ала? Ни бары үҙ ҡулдары менән нимәлер эшләп кенә. Беҙ уҡыусылар менән һөйләштек тә маскировка селтәрҙәрен үрербеҙ, блиндаж шәмдәре эшләрбеҙ, ә бәләкәстәр һүрәттәр эшләп, хаттар яҙыр, тип ҡарар иттек. Көсөбөҙҙән килгәнсә ярҙам итәбеҙ. МХО зонаһынан ялға ҡайтҡан балаларыбыҙҙың атайҙары мәктәпкә килә һәм беҙ әҙерләгәнде алып китә. Яугирҙәр өсөн шәмдәр бик мөһим. Ябай ғына банка кеүек, ә ысынында иһә был - ризыҡты йылытыуҙың, тирә-яҡтағы ҡараңғылыҡты яҡтыртыуҙың берҙән-бер ысулы, ә селтәрҙәр ғүмерҙәрҙе ҡотҡара! Эйе, беҙ тылда, әммә яугирҙәргә ярҙам итәбеҙ. Балалар мөһим һәм әһәмиәтле нәмәләргә ҡатнашлығы барлығын тояң, – тине Ольга Урванцева. Бынан тыш, мәктәптә 3D-принтерҙа МХО зонаһында кәрәк булған деталдәр баҫалар, гуманитар ярҙам йыялар. Күп итеп һөйләргә мөмкин, ә шул уҡ ваҡытта “Мин нисек ярҙам итә алам” тигән һорау бирергә була. Бында йәш тә, статус та, матди хәл дә мөһим түгел, тик теләк кенә. Сығанаҡ һәм фото: "Выбор" гәзите.