Башҡортостанда “Рәхмәт” акцияһы дауам итә. Унда һайлауҙа ҡатнашҡан һәр кем ҡатнаша ала. Акция барышы тураһында Өфөләге “Рәсәй Президентын һайлау-2024” йәмәғәт матбуғат һайлау үҙәгенә ойоштороусыларҙың береһе Римма Бикмырҙина килеп һөйләне. Уның белдереүенсә, ике көндә бүләктәр отошона ике миллион ғариза килгән, быны һайлаусылар QR-билеттарын теркәп эшләй ала. Билеттарҙы теркәп өлгөрөр өсөн сайт бөгөн тәүлек әйләнәһенә эшләйәсәк, ә иртәгә, 17 мартта - 21 сәғәткә тиклем. Уның һүҙҙәренсә, кисә, һайлауҙарҙың тәүге көнөндә, республиканың төрлө нөктәләрендә 248 еңеүсе билдәләнгән. Бер нисә еңеүсе үҙҙәренең бүләктәрен килеп алған да. “Әгәр билетығыҙҙы теркәй алмаһағыҙ (ә шундай ялыуҙар килгән), телефонда VPN тоҡанғанмы-юҡмы икәнлеген тикшерегеҙ. Уны һүндерергә кәрәк”, – тине ул. Суперприздар бөгөн-иртәгә түгел, ә бер аҙ һуңыраҡ уйнатыласаҡ, тине Римма Бикмырҙина. Улар араһында – фатир, “Нива” машинаһы, Сочи шифаханаларына һәм Башҡортостан курорттарына юлламалар. 15 марттан 17-һенә тиклем Башҡортостанда "Рәхмәт-2024" акцияһы уҙа. Беренсе көндә унда республиканың бер нисә йөҙ мең кешеһе ҡатнашты, улар акцияның сайтында 345 меңдән ашыу билет теркәне. Шулай уҡ, әгәр һеҙҙең билет бөгөн отто икән, ул иртәгә лә отошта ҡатнаша ала. Автор фотоһы.