Найти тему
Башҡортостан гәзите

Өлкәндәр ҙә, балалар ҙа үҙ итә

Бөгөн ГТО комплексы спорт тормошона ныҡлы үтеп инде һәм уның мөһим өлөшөнә әйләнде. Комплекс 1931 йылда булдырылған һәм 2014 йылда тергеҙелгән. 2019 йылдан ул "Демография" милли проектының "Спорт – йәшәү нормаһы" федераль проектына инә. "Өлкән быуын" проекты сиктәрендә ГТО тест үткәреү үҙәге хеҙмәткәрҙәре 60 йәштән өлкән кешеләр өсөн тест үткәрҙе. Сара Йәрмәкәй районы Йәрмәкәй ауылының "Стимул" физкультура-һауыҡтырыу комплексында уҙҙы. Көс-дәрт һәм ҡомар менән ҡатнашыусылар ҡулдарҙы иҙәндә ятып бөгөү; гимнастика эскәмйәһендә баҫып торған килеш алға эйелеү; арҡала ятҡан кәүҙәне күтәреү; ике аяҡ менән этәрелеп, оҙонлоҡҡа һикереү һәм ваҡытҡа йөҙөү кеүек нормативтарҙы үтәне. Бынан алдараҡ ГТО-ны һынау үҙәге хеҙмәткәрҙәре Йәрмәкәй районының 60 йәштән өлкәндәре өсөн бындай сараларҙы 8 март, Һыуыҡҡул һәм Спартак исемендәге ауылдарҙа уҙғарғайны. Шулай уҡ китапхана, Мәҙәниәт һарайы, Балалар-үҫмерҙәр спорт мәктәбе хеҙмәткәрҙәре, колледж студенттары һәм уҡыусылар өсөн тест үткәрелде. Февралдә Йәштәр үҙәгендә беренсе йәш быуыны (6-8 йәшлектәр) араһында комплекс нормативтары буйынса тест үткәрелде. Стартҡа беренсе тапҡыр Йәрмәкәй ауылы урта мәктәбенең 1-се класс уҡыусылары сыҡты. Билдәле булыуынса, “Демография” (национальный проект “Демография”) милли проекты Рәсәй Президентының май указы менән булдырылды. Фото: Йәрмәкәй районы хакимиәте.