У аснове - прафілактыка
На чарговым сумесным пасяджэнні сельвыканкама і савета грамадскага пункта аховы правапарадку разгледжана пытанне работы суб’ектаў прафілактыкі па папярэджанні пажараў і гібелі людзей ад іх. У бягучым годзе пажараў і гібелі людзей не зарэгістравана, тады як за 2023 год адбылося два ўзгаранні гаспадарчых пабудоў па прычыне неасцярожнага абыходжання з агнём.
– Названай камісіяй праводзяцца сустрэчы з насельніцтвам, сходы грамадзян у населеных пунктах, абмяркоўваюцца пытанні супрацьпажарнай прафілактыкі, – расказвае старшыня сельвыканкама Нэла Гусева. – За бягучы перыяд праведзена абследаванне 164, або 23% домаўладанняў, дзе пастаянна пражываюць грамадзяне. У першую чаргу ўвага надаецца шматдзетным сем’ям, адзінокім грамадзянам, а таксама грамадзянам, схільным да злоўжывання спіртных напояў. Камісіяй выяўлена 10 парушэнняў правіл пажарнай бяспекі, па якіх устаноўлены тэрміны для ліквідацыі.
Жывая класіка
Агульнашкольны творчы конкурс юных чытальнікаў "Жывая класіка" ў Старыцкай СШ сёлета праходзіў пад дэвізам "Памяць вечна жывая". Прысвечаны ён 80-годдзю з дня вызвалення Беларусі ад нямецка-фашысцкіх захопнікаў. Удзельнікі конкурсу ў чарговы раз успаміналі падзеі Вялікай Айчыннай вайны, чытаючы вершы знакамітых беларускіх пісьменнікаў. Канкурсанты былі ўзнагароджаны дыпломамі.
Збяры макулатуру - выратуй дрэва!
У Слабадакучынскай СШ прайшла акцыя па зборы макулатуры "Збяры макулатуру – выратуй дрэва!" (на здымку). Сваім удзелам школьнікі дапамагаюць выратаваць планету ад смецця, а лес ад высечкі.
Фото з архіва Слабадакучынскай сярэдняй школы
Что нового в Слобода-Кучинском сельсовете? Рассказываем
