Уҙған йылда Башҡортостанда юғары тиҙлекле оптик сүс интернетына 43 меңгә яҡын йорт хужалығы тоташтырылған, был 2022 йылға ҡарағанда һигеҙ тапҡырға тиерлек күберәк. Был хаҡта Башҡортостан Республикаһы Дәүләт идаралығының һанлы үҫеш министрлығы коллегияһында хәбәр иттеләр. 2022 йылдан алып бөтәһе 1172 мең йорт хужалығы тоташтырылған һәм ағымдағы йылда тағы ла 25 мең йорт хужалығын тоташтырыу планлаштырыла. Бындай һөҙөмтәләргә республиканың "Һанлы тигеҙһеҙлекте бөтөрөү 2.0" федераль проектында әүҙем ҡатнашыуы арҡаһында өлгәшелгән, уның исемлегенә Башҡортостан Республикаһының 1286 тораҡ пункты ингән. Ауылдарҙы интернетҡа 2030 йылға тиклем тоташтырыу планлаштырыла. Һанлы үҫеш министры Геннадий Разумикин һүҙҙәренсә, 2022-2023 йылдарҙа Башҡортостан Рәсәй төбәктәренең бөтәһе араһында УЦН 2.0 программаһына индерелгән тораҡ пункттар өсөн халыҡтың тауыштары һаны буйынса беренсе урынды һаҡлап ҡалған. Республиканың һанлы министрлығы Сибай-Аҡъяр автомобиль юлын күсмә элемтә һәм мобиль интернет менән тәьмин итеү буйынса проектты тормошҡа ашыра. Өфө-Белорет автомобиль юлын күсмә элемтә һәм мобиль интернет менән тәьмин итеү буйынса проект әҙерләнгән. Тастүбә-Һатҡы юлын күсмә элемтә менән тәьмин итеү буйынса операторҙарҙан тәҡдимдәр әҙерләнә. Йомғаҡлап, 2023 йылда элемтә операторҙары тарафынан 4G (LTE) стандартының 1300 самаһы база станцияһы ҡуйылған йәки яңыртылған, тип билдәләнде. "Һанлы тигеҙһеҙлекте бөтөрөү 2.0" "федераль проекты "Рәсәй Федерацияһының һанлы иҡтисады" милли проекты сиктәрендә халыҡ һаны 100-ҙән 500-гә тиклем булған тораҡ пункттарҙа тормошҡа ашырыла. Сығанаҡ: https://pravitelstvorb.ru/news/23280/