Республика һайлауға һәм ташҡынға әҙерләнә
Башҡортостан башлығы Радий Хәбиров дүшәмбелә, Мәскәүҙә, Ростех йәмғиәтендә эшлекле осрашыуҙарҙа ҡатнашты. Ошо турала республика етәксеһе видеоселектор кәңәшмәһе барышында белдерҙе. Төбәк Хөкүмәте ултырышында ҡаралған көнүҙәк мәсьәләләр исемелегенә хәҙер ташҡынға әҙерлек тә өҫтәлде. Ҙур һыуҙы имен уҙғарыу беренсе урынға сығарыла.
Дүшәмбе Башҡортостандың мәҙәни тормошонда тарихи ваҡиға менән иҫтә ҡаласаҡ. Республикала тәүге тапҡыр ҡурайсыларҙың дәүләт ансамбле төҙөлә. Ошо турала айырым Указ да бар. Документты Радий Хәбиров аҙнаның беренсе эш көнөндә шәхсән имзаланы.
Аҙнаның беренсе эш көнөндә иғлан ителгән белдереүҙәр бының менән тамаланмай. Алдағы кесаҙна, 14-се мартта республика райондарына 250 автобус тапшырыла. Өр-яңы йәмәғәт транспорты шул көндә үк эш башларға тейеш. Әйткәндәй, автобустар Президент программаһына ярашлы ҡайтарыла.
Шулай ҙа, Башҡортостан алдында был аҙнала торған иң ҙур бурыс – Рәсәй Президентын һайлауҙарҙы ойоштороу һәм уҙғарыу. Әйткәндәй, 3 көн дауамында барасаҡ кампанияны 3 мең 308 тауыш биреү участкаһы тәьмин итергә тейеш. Республикала һайлау хоҡуғына эйә булған граждандарҙың 93 проценты бөгөн теге йәки был кандидат өсөн тауыш бирергә лә әҙер.
Башҡортостан урындағы башланғыстарға ярҙам программаһын артабан камиллаштырыу яғында. Былтыр, мәҫәлән, ошо конкурста 786 биләмә ҡатнашып, теге йәки был обьектты яңыртыуға өлгәшкән. Башҡортостан башлығы билдләүенсә, проект ауылдар йөҙөн генә үҙгәртмәй, ә халыҡты ла берләштерә.
Муниципаль биләмәләрҙе социаль яҡтан ғына түгел, ә һан, йәғни, информатизация яғынан үҫтереү бурысы тора. дүшәмбе кәңәшмәһендә ошо һорауға ла айырым иғтибар бүленде. Шул уҡ ваҡытта республиканың мәғариф системаһында быйыл ҙур үҙгәрештәр көтөлә. Башҡортостанда 31 мәктәпте капиталь ремонтларға тейештәр. Төбәк Хөкүмәте алдында торған һәм хәл ителгән мәсьәләләр исемлеген март аҙағында йәнә лә бер аныҡлана. Министрҙар Кабинетының уҙған йылдағы эшмәкәрлеге Дәүләт Йыйылышы-Ҡоролтай ултырышында иғлан ителәсәк.
Смотрите видео
--------------------------
Присоединяйтесь к каналу Башкортостан 24 в Дзен и Telegram-канал Вести Башкортостан, и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».