Диндарҙар Рамаҙан – Шәриф айына аяҡ баҫты
1 ай дауамында донъя мосолмандары тәүлектең яҡты мәлендә ризыҡ менән һыуҙан тыйылып торорға тейеш. Ураҙаның төп маҡсаты – тәрбиә. Кеше күңелендә игелек, тормошта әҙәп, тәнгә сәләмәтлек, йәнгә рухи тәрбиә биреү. Изге ай Ураҙа Ғәйете менән тамамлана. Быйыл ул апрелдең 10-на тура килә.
10 март ҡояш байыу менән донъя мосолмандары Рамаҙан-Шәрифкә аяҡ баҫты. Кешене яуаплылыҡҡа, түҙем¬леккә, сабырлыҡҡа, ихласлыҡҡа өйрәтеүсе ғибәҙәт быйыл 30 көн дауам итә. 1-се Йәмиғ мәсетендә тик Рамаҙан айында ғына уҡыла торған тәүге Тәрәуих намаҙы башҡарылды.
Таҙарыныу һәм тыйылыу ваҡыты – тәү сиратта насар уйҙарҙан, һүҙҙәрҙән һәм эштәрҙән.Кем ялған, насар һүҙҙәрҙән тыйылмай, уларҙың ашап-эсеүҙән тыйылыуының Аллаһ алдында баһаһы юҡ, тиелә Ҡоръән Кәримдә. Иң мөһиме, изге айҙа кеше үҙ нәфсеһен тыйырға өйрәнә, уны тәрбиәләй. Ә камиллыҡтыҡ сиктәре юҡ, ти Альбина Хафизова.
Мосолмандар өсөн үмрә, йәки кесе хаж ғәмәлен ураҙа айында үтәү айырыуса һөйөнөслө. Быйыл Рамаҙан айында Башҡортостандың диниә назараты булышлығында республикабыҙҙан 34 дин ҡәрҙәшебеҙ кесе хаж ҡылыу ниәтендә Өфө –Мәҙинә самолеты менән Мәккәгә юлланды.
Рамаҙан-Шәриф айы Ураҙа ғәйете менән тамамлана. Ул апрелдең 10-на тура килә. Башҡортостанда 10 апрель байрам тип иғлан ителгән.
Смотрите видео
--------------------------
Присоединяйтесь к каналу Башкортостан 24 в Дзен и Telegram-канал Вести Башкортостан, и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».